കണ്ണൂര്‍: ''മുല്ലപ്പള്ളിയോട് പറഞ്ഞിട്ട് ഒരുകാര്യവുമില്ല, ഇലക്ട്രിക് പോസ്റ്റിനു വെള്ളമൊഴിച്ചിട്ട് വല്ല കാര്യവുമുണ്ടോ ? ചോദ്യവും ഉത്തരവുമൊക്കെ വ്യവസായ മന്ത്രി ഇ.പി.ജയരാജന്റെതാണ്. വിഷയം കോവിഡ് -19 നിടെ വന്ന രാഷ്ട്രീയ വിവാദങ്ങള്‍ തന്നെ. ''കേരളം ലോകത്തിന്റെ മുത്താണ്. ഉമ്മന്‍ചാണ്ടിയും രമേശ്‌ ചെന്നിത്തലയുമൊക്കെ അതില്‍ അഭിമാനം കൊള്ളാനാണ്‌ ശ്രമിക്കേണ്ടത്. മുല്ലപ്പള്ളിയോടു പിന്നെ പറഞ്ഞിട്ടു കാര്യമില്ല, ഇലക്ട്രിക് പോസ്റ്റിന് ആരെങ്കിലും വെള്ളമൊഴിക്കുമോ?''-മന്ത്രി ജയരാജന്‍ ചോദിച്ചു. കണ്ണൂരില്‍ ജില്ലാ പഞ്ചായത്ത്‌ ഓഫീസില്‍ മാധ്യമങ്ങളോട് സംസാരിക്കുകയായിരുന്നു മന്തി ജയരാജന്‍.
എന്തൊ വലിയ സംഭവം കിട്ടിയ മട്ടിലാണ് പ്രതിപക്ഷം. രമേശ്‌ ചെന്നിത്തലയും മുല്ലപ്പള്ളിയുമൊക്കെ വായീതോന്നിയത് വിളിച്ചു പറയുകയാണ്‌. സ്പ്രിങ്കളര്‍ വിവാദത്തില്‍ യാതൊരു കഴമ്പുമില്ലെന്നും ഇ.പി.ജയരാജന്‍ പറഞ്ഞു.
