ഡല്ഹി: പാലങ്ങളുടെയും റോഡുകളുടെയും ടോള് പിരിവ് സംബന്ധിച്ച് വിശദമായ പരിശോധന വേണമെന്ന് സുപ്രീംകോടതി. മധ്യപ്രദേശിലെ ലെബാദ്- നയഗാവ് പാതയില് കാലാവധിക്ക് ശേഷവും അനധികൃതമായി ടോള് പിരിവ് നടത്തുന്നു എന്നാരോപിച്ച് നല്കിയ ഹര്ജിയില് നോട്ടീസ് അയക്കവേ ചീഫ് ജസ്റ്റിസ് ഡി വൈ ചന്ദ്രചൂഡ് അധ്യക്ഷനായ ബെഞ്ചാണ് ഇത് സംബന്ധിച്ച് പരാമര്ശം നടത്തിയത്.
ലെബാദ്- നയഗാവ് പാത നിര്മ്മാണം നടത്തിയ സ്വകാര്യ കമ്പനിക്ക് കാലാവധിക്ക് ശേഷവും ടോള് പിരിക്കാന് നല്കിയ അനുമതി പിന്വലിക്കണമെന്ന് ആവശ്യപ്പെട്ട് പരാതിക്കാര് നല്കിയ ഹര്ജി മധ്യപ്രദേശ് ഹൈക്കോടതി തള്ളുകയായിരുന്നു. ഇതേ തുടര്ന്നാണ് ഹര്ജിക്കാര് സുപ്രീംകോടതിയെ സമീപിച്ചത്. ഹര്ജിക്കാര്ക്ക് വേണ്ടി മുതിര്ന്ന അഭിഭാഷകരായ ദേവദത്ത് കാമത്ത് അല്ജോ ജോസഫ് എന്നിവരാണ് ഹാജരായത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
കാലാവധിക്ക് ശേഷവും സ്വകാര്യ കമ്പനികള് ലാഭം ഉണ്ടാക്കും വിധം ടോള് പിരിവ് അനുവദിക്കരുതെന്നും യാത്രാക്കാര് നല്കുന്ന ടോളിന്റെ ഒരു വിഹിതം ജനങ്ങളുടെ ക്ഷേമത്തിന് വേണ്ടി ഉപയോഗിക്കണമെന്നും ഹര്ജിക്കാര് കോടതിയില് വാദിച്ചു.