കേരളാ പോലീസിനെതിരെ രൂക്ഷവിമര്ശനവുമായി പ്രതിപക്ഷ നേതാവ് വി ഡി സതീശന്. പൊലീസിനെ സർക്കാർ പൂര്ണമായും എ.കെ.ജി സെന്ററിന് പണയപ്പെടുത്തിയിരിക്കുകയാണ്. ഡി.ജി.പിക്കും ക്രമസമാധാന ചുമതലയുള്ള എ.ഡി.ജി.പിയും എ.കെ.ജി സെന്ററില് നിന്നും പറയുന്ന പണിയാണ് ചെയ്തു കൊണ്ടിരിക്കുന്നതെന്നും വി ഡി സതീശന് പറഞ്ഞു.
ഫേസ്ബുക്ക് പോസ്റ്റിന്റെ പൂര്ണരൂപം
പിൻവാതിൽ നിയമനങ്ങൾക്കായി പാർട്ടി ജില്ലാ സെക്രട്ടറിക്ക് കത്ത് നൽകിയ തിരുവനന്തപുരം മേയറുടെ രാജി ആവശ്യപ്പെട്ടുള്ള സമരത്തിലാണ് പ്രതിപക്ഷം. ഒരു അക്രമവും നടത്താതെ സമരം ചെയ്ത മൂന്ന് കെ.എസ്.യു പ്രവർത്തകരെ റിമാന്ഡ് ചെയ്തിട്ട് ഒൻപത് ദിവസമായി. കേരളത്തിലെ പൊലീസ് എ.കെ.ജി സെന്ററില് അടിമപ്പണിയെടുക്കുകയാണ്. പൊലീസിനെ സർക്കാർ പൂര്ണമായും എ.കെ.ജി സെന്ററിന് പണയപ്പെടുത്തിയിരിക്കുകയാണ്. ഡി.ജി.പിക്കും ക്രമസമാധാന ചുമതലയുള്ള എ.ഡി.ജി.പിയും എ.കെ.ജി സെന്ററില് നിന്നും പറയുന്ന പണിയാണ് ചെയ്തു കൊണ്ടിരിക്കുന്നത്.
CPM ഓഫീസില് നിന്നും എഴുതിക്കൊടുത്ത പേരനുസരിച്ചാണ് മൂന്നു പേരെയും റിമാന്ഡ് ചെയ്തത്. റിമാന്ഡിലായ കുട്ടികള് ഏതെങ്കിലും അക്രമത്തില് ഏര്പ്പെട്ടിണ്ടുണ്ടെന്ന് തെളിയിക്കാന് പൊലീസിനെ വെല്ലുവിളിക്കുന്നു. തിരുവനന്തപുരം ജില്ലാ ജയിലിൽ റിമാന്ഡിൽ കഴിയുന്ന കെ.എസ്.യു പ്രവർത്തകരെ സന്ദർശിച്ചു.