കൊച്ചി: ജർമനിയിലെ ബെർലിൻ ചാരിറ്റി ആശുപത്രിയിൽ സർജറിക്കുശേഷം വിശ്രമിക്കുന്ന മുൻ മുഖ്യമന്ത്രി ഉമ്മന് ചാണ്ടി 17 - ന് കേരളത്തിലേക്ക് മടങ്ങും. തൊണ്ടയിലെ ശാസ്ത്രക്രിയയ്ക്ക് ശേഷം നിരീക്ഷണത്തിലായിരുന്ന ഉമ്മന് ചാണ്ടിയെ ഇന്നലെ ഡിസ്ചാര്ജ് ചെയ്തിരുന്നു. എന്നാല് മൂന്ന് ദിവസം വിശ്രമിച്ചിട്ട് കേരളത്തിലേക്ക് മടങ്ങിയാല് മതിയെന്നാണ് ഡോക്ടര്മാരുടെ നിര്ദ്ദേശം. ഉമ്മന് ചാണ്ടിയുടെ ഏറ്റവും പുതിയ ചിത്രങ്ങള് മകന് ചാണ്ടി ഉമ്മന് സോഷ്യല് മീഡിയയില് പങ്കുവെച്ചിട്ടുണ്ട്.
ഉമ്മൻ ചാണ്ടി ഉന്മേഷവാനാണെന്നും ലേസർ ശാസ്ത്രക്രിയയായതിനാൽ മറ്റു ബുദ്ധിമുട്ടുകൾ ഇല്ലെന്നും അതിവേഗം പൂര്ണ ആരോഗ്യത്തിലേക്ക് തിരികെയെത്തുമെന്നും ഉമ്മന് ചാണ്ടിയോടൊപ്പമുള്ള ബെന്നി ബെഹ്നാന് അറിയിച്ചു. മക്കളായ മറിയ ഉമ്മൻ, അച്ചു ഉമ്മൻ, ചാണ്ടി ഉമ്മൻ എന്നിവരും ഉമ്മൻ ചാണ്ടിക്കൊപ്പമുണ്ട്. കഴിഞ്ഞ വ്യാഴാഴ്ചയാണ് ഉമ്മന് ചാണ്ടിയെ ആശുപത്രിയില് അഡ്മിറ്റ് ചെയ്തത്. അതേസമയം, ജര്മനിയിലെ ഇന്ത്യന് അംബാസഡര് പര്വതാനേനി ഹരീഷ് ഉമ്മന്ചാണ്ടിയെ സന്ദര്ശിച്ചു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
യൂറോപ്പിലെ ഏറ്റവും വലിയ മെഡിക്കൽ സർവകലാശാല ആശുപത്രികളിൽ ഒന്നായ ബർലിനിലെ ചാരിറ്റി മെഡിക്കൽ യൂണിവേഴ്സിറ്റിയിലായിരുന്നു ഉമ്മന് ചാണ്ടിയുടെ ചികിത്സ. 312 വര്ഷത്തെ പാരമ്പര്യമുള്ള ആശുപത്രിയില് 11 നൊബേല് സമ്മാന ജേതാക്കള് ഗവേഷകരായി പ്രവര്ത്തിച്ചിട്ടുണ്ട്. മലയാളികള് ഉള്പ്പെടെ 13,200 ജീവനക്കാരാണ് ഇവിടെയുള്ളത്.