തിരുവനന്തപുരം: തിരുവനന്തപുരം ജനറല് ആശുപത്രിയില് വനിത ഡോക്ടര് ആക്രമിക്കപ്പെട്ട സംഭവം അങ്ങേയറ്റം അപലപനീയമാണെന്ന് മന്ത്രി വീണ ജോര്ജ്. ആക്രമിക്കപ്പെട്ട ഡോക്ടറെ ഫോണില് വിളിച്ച് സംസാരിച്ച് എല്ലാ പിന്തുണയും അറിയിച്ചു. ഒപിയില് ഇരിക്കുമ്പോഴാണ് ഡോക്ടര് ആക്രമിക്കപ്പെട്ടത്. ഡോക്ടറുടെ കൈയ്യില് പൊട്ടലുണ്ട്. ആരോഗ്യ പ്രവര്ത്തകര്ക്ക് നേരെയുണ്ടാകുന്ന ഇങ്ങനെയുള്ള ആക്രമണങ്ങള് ഒരു കാരണവശാലും അംഗീകരിക്കാന് കഴിയില്ലെന്നും മന്ത്രി പറഞ്ഞു. അത് ആരോഗ്യ പ്രവര്ത്തകരുടെ മനോവീര്യം കെടുത്തും. പ്രതി റിമാന്ഡിലാണ്. കുറ്റം ചെയ്തയാള്ക്കെതിരെ ശക്തമായ നടപടി സ്വീകരിക്കുന്നതാണെന്നും മന്ത്രി കൂട്ടിച്ചേര്ത്തു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, ജനറല് ആശുപത്രിയില് വനിതാ ഡോക്ടര് അതിക്രൂരമായി ആക്രമിക്കപ്പെട്ട സംഭവത്തില് പ്രതിഷേധിച്ച് ജനറല് ആശുപത്രിയിലെ ഡോക്ടര്മാര് നാളെ രാവിലെ 8:30ന് ആശുപത്രിയുടെ മുന്നില് പ്രതിഷേധ ധര്ണ്ണ നടത്തും. തുടരെ തുടരെയുള്ള ആശുപത്രി ആക്രമണങ്ങള് തടയാന് വേണ്ട എല്ലാ നടപടികളും സർക്കാരിന്റെയും മേലധികാരികളുടെയും ഭാഗത്തുനിന്നും ഉണ്ടാകണമെന്ന് സംഘടന ശക്തമായി ആവശ്യപ്പെട്ടു. ആരോഗ്യപ്രവര്ത്തകര്ക്ക് നേരെയുള്ള അതിക്രമണങ്ങള് ഒരിക്കലും അംഗീകരിക്കാന് സാധിക്കില്ലെന്നും ഡോക്ടര്മാര് പറഞ്ഞു.