കൊച്ചി: നടന് ശ്രീനാഥ് ഭാസിക്കെതിരായ പരാതി പിന്വലിക്കുമെന്ന് യൂട്യൂബ് ചാനല് അവതാരക. പരാതി പിന്വലിക്കാനുളള ഹര്ജിയില് അവതാരക ഒപ്പിട്ടുനല്കിയതായാണ് റിപ്പോര്ട്ട്. ശ്രീനാഥ് ഭാസി തന്നെ നേരില്കണ്ട് മാപ്പുപറഞ്ഞെന്നും അദ്ദേഹത്തിന് മാപ്പുനല്കുന്ന കാര്യം ആലോചിക്കുന്നുണ്ടെന്നും നടി നേരത്തെ വ്യക്തമാക്കിയിരുന്നു. ഔദ്യോഗിക നടപടിക്രമങ്ങള്ക്കുശേഷമാവും പരാതി പിന്വലിക്കാന് സാധിക്കുക. സിനിമാ പ്രമോഷന്റെ ഭാഗമായി നടന്ന അഭിമുഖത്തിനിടെ അവതാരകയെ അപമാനിക്കുകയും മോശം ഭാഷയില് സംസാരിക്കുകയും ചെയ്ത കേസില് മരട് പൊലീസ് നടനെ അറസ്റ്റ് ചെയ്ത് ജാമ്യത്തില് വിട്ടിരുന്നു. സ്ത്രീത്വത്തെ അപമാനിക്കല്, അപമര്യാദയായി പെരുമാറല് തുടങ്ങിയ കുറ്റങ്ങള് ചുമത്തിയാണ് പൊലീസ് നടനെതിരെ കേസെടുത്തത്.
ചട്ടമ്പി എന്ന സിനിമയുടെ പ്രമോഷന്റെ ഭാഗമായി നടന്ന അഭിമുഖത്തിനിടെ ചോദിച്ച ചോദ്യങ്ങള് ഇഷ്ടപ്പെടാതിരുന്നതോടെ ശ്രീനാഥ് ഭാസി മോശം ഭാഷയില് സംസാരിച്ചെന്നും സ്ഥാപനത്തിന്റെ ക്യമറാമാനോട് മോശമായി പെരുമാറിയെന്നുമാണ് അവതാരക പരാതിയില് പറഞ്ഞത്. വനിതാ കമ്മീഷനും അവര് പരാതി നല്കിയിരുന്നു. അഭിമുഖം നടക്കുമ്പോള് നടന് ലഹരി ഉപയോഗിച്ചിരുന്നോ എന്നറിയാന് നഖം, തലമുടി, രക്തം എന്നിവയുടെ സാമ്പിളുകളടക്കം പൊലീസ് ശേഖരിച്ചിരുന്നു. അതിനിടെയാണ് പരാതി പിന്വലിക്കുകയാണെന്ന് അവതാരക അറിയിച്ചത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
രണ്ട് ദിവസം മുന്പ് കേരളാ ഫിലിം പ്രോഡ്യൂസേഴ്സ് അസോസിയേഷന് ശ്രീനാഥ് ഭാസിക്ക് വിലക്കേര്പ്പെടുത്തുകയും ചെയ്തിരുന്നു. അവതാരകയുടെ പരാതിയില് ശ്രീനാഥ് ഭാസിയെ വിളിച്ചുവരുത്തി വിശദീകരണം തേടിയതിനുശേഷമാണ് താല്ക്കാലിക വിലക്കേര്പ്പെടുത്തിയത്. അവതാകര പരാതി പിന്വലിക്കുന്നതോടെ എഫ് ഐ ആര് റദ്ദാക്കണമെന്നാവശ്യപ്പെട്ട് ശ്രീനാഥ് ഭാസി കോടതിയെ സമീപിച്ചേക്കും.