മാംസാഹാരികളായ പുരുഷന്മാരുമായി ലൈംഗികബന്ധം പുലര്‍ത്തരുതെന്ന വിവാദ നിര്‍ദേശവുമായി പ്രമുഖ മൃഗാവകാശ സംഘടനയായ പെറ്റ (People for the Ethical Treatment of Animals -PETA). പെറ്റയുടെ ജർമ്മൻ ഡിവിഷനാണ് സ്ത്രീകളോട് മാംസം കഴിക്കുന്ന പുരുഷന്മാർക്ക് സെക്സ് നിഷേധിക്കണമെന്ന് പറഞ്ഞത്. മാംസം കഴിക്കുന്ന പുരുഷന്മാരാണ് കൂടുതൽ ഗ്രീൻഹൗസ് എമിഷന് കാരണക്കാരാകുന്നതെന്നാണ് അതിന് കാരണമായി പറയുന്നത്. ഗ്രീൻഹൗസ് എമിഷനാണ് ഇന്ന് ലോകം നേരിടുന്ന ഏറ്റവും വലിയ വെല്ലുവിളികളില്‍ ഒന്നായ കാലാവസ്ഥാ വ്യതിയാനത്തിനു കാരണം.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ജര്‍മ്മനിയില്‍ പുരുഷന്മാരാണ് കൂടുതൽ മാംസം കഴിക്കുന്നതെന്നും സ്ത്രീകളേക്കാൾ 41 ശതമാനം അധികം മലിനീകരണത്തിന് അത് കാരണമാകുമെന്നും 'പ്ലോസ് വൺ' എന്ന ശാസ്ത്ര ജേണലിൽ പ്രസിദ്ധീകരിച്ച ഒരു പഠനത്തില്‍ വ്യക്തമാക്കുന്നുണ്ട്. അത് കണക്കിലെടുത്താണ് പെറ്റയുടെ ജർമ്മൻ ബ്രാഞ്ച് വിവാദ നിര്‍ദേശം നല്‍കിയത്. കൂടാതെ, പുരുഷന്മാരിൽ നിന്നും 41 ശതമാനം മാംസ നികുതി ഈടാക്കണമെന്നും പെറ്റ ആവശ്യപ്പെട്ടിട്ടുണ്ട്.
ഏതായാലും പെറ്റയുടെ ഈ അഭിപ്രായ പ്രകടനം ജര്‍മ്മനിയില്‍ വലിയ തരത്തിലുള്ള പ്രതിഷേധത്തിന് കാരണമായിരിക്കുകയാണ്.
