തിരുവനന്തപുരം: മണിരത്നം സംവിധാനം ചെയ്ത ബ്രഹ്മാണ്ഡ ചിത്രമായ 'പൊന്നിയിന് സെല്വന്റെ' സെന്സറിങ് പൂര്ത്തിയായി. ചിത്രത്തിന് യു സര്ട്ടിഫിക്കറ്റാണ് ലഭിച്ചിരിക്കുന്നത്. 2 മണിക്കൂറും 47 മിനിറ്റുമാണ് ചിത്രത്തിന്റെ ദൈര്ഘ്യം. പ്രേക്ഷകര് ഏറെ പ്രതിക്ഷയോടെ കാത്തിരിക്കുന്ന പൊന്നിയിൻ സെൽവന്റെ ടീസറിന് വലിയ പ്രേക്ഷക പ്രശംസ നേടാന് സാധിച്ചിരുന്നു. ചരിത്രപശ്ചാത്തലത്തില് ഒരുങ്ങുന്ന ചിത്രത്തിന്റെ മികവ് ടീസറില് കാണാന് സാധിക്കുന്നുണ്ടെന്നാണ് ആരാധകര് അഭിപ്രായപ്പെട്ടത്. യുദ്ധവും പ്രതികാരവും ധീരതയും ഒത്തിണങ്ങി പ്രേക്ഷകനില് ആവേശം നിറക്കുന്നതായിരുന്നു ചിത്രത്തിന്റെ ടീസര്. സിനിമ ഈ മാസം 30 -ന് തിയേറ്ററിലെത്തുമെന്ന് അണിയറ പ്രവര്ത്തകര് അറിയിച്ചു.
ഇതിഹാസ സാഹിത്യകാരൻ കൽക്കിയുടെ വിശ്വ പ്രസിദ്ധ ചരിത്ര നോവലിനെ ആധാരമാക്കിയാണ് ചിത്രം നിര്മ്മിച്ചിരിക്കുന്നത്. വിക്രം, തൃഷ, ഐശ്വര്യ റായി, പ്രകാശ് രാജ്, ജയറാം, ലാൽ, റഹ്മാൻ, റിയാസ് ഖാൻ, ഖിഷോർ, ജയം രവി, ഐശ്വര്യ ലക്ഷ്മി, ശോഭിതാ ധുലിപാല തുടങ്ങിയവരാണ് ചിത്രത്തിലെ പ്രധാനകഥാപാത്രങ്ങളെ അവതരിപ്പിക്കുന്നത്. 12 വര്ഷങ്ങള്ക്ക് ശേഷം ഐശ്വര്യറായ് തമിഴ് സിനിമയിലേയ്ക്ക് തിരിച്ചെത്തുന്നു എന്ന പ്രത്യേകതയും പൊന്നിയിൻ സെൽവനുണ്ട്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
രണ്ട് ഭാഗങ്ങളായാണ് പൊന്നിയിൻ സെൽവൻ പ്രേക്ഷകര്ക്ക് മുന്നില് എത്തുന്നത്. ഡിജിറ്റല് അവകാശം 125 കോടി രൂപക്ക് ആമസോണ് പ്രൈമാണ് കരസ്ഥമാക്കിയിരിക്കുന്നത്. മദ്രാസ് ടാക്കീസും ലൈക്കാ പ്രൊഡക്ഷൻസും സംയുക്തമായാണ് പൊന്നിയിന് സെല്വന് നിര്മ്മിച്ചിരിക്കുന്നത്. തമിഴ്,മലയാളം തെലുങ്ക്, കന്നഡ, ഹിന്ദി, എന്നീ അഞ്ചു ഭാഷകളിലായി ആണ് ചിത്രം റിലീസ് ചെയ്യുന്നത്.