അമരാവതി: ആന്ധ്രപ്രദേശില് പ്രധാനമന്ത്രി നരേന്ദ്രമോദിയുടെ ഹെലിക്കോപ്റ്ററിനുനേരേ കറുത്ത ബലൂണ് പറത്തിയ സംഭവത്തില് മൂന്ന് കോണ്ഗ്രസ് പ്രവര്ത്തകര് അറസ്റ്റില്. ഗുരുതരമായ സുരക്ഷാ വീഴ്ച്ചയാണുണ്ടായതെന്നാണ് വിലയിരുത്തല്. സംഭവത്തിനുപിന്നില് കോണ്ഗ്രസാണെന്ന് ബിജെപി നേരത്തെ ആരോപിച്ചിരുന്നു. കേന്ദ്ര രഹസ്യാന്വേഷണ ഏജന്സികളും പ്രധാനമന്ത്രിയുടെ സുരക്ഷാ ചുമതലയുളള സ്പെഷന് പ്രൊട്ടക്ഷന് ഗ്രൂപ്പ് (എസ് പി ജി)യും സംഭവത്തില് അന്വേഷണം ആരംഭിച്ചിട്ടുണ്ട്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഇന്നലെ വൈകുന്നേരം ആന്ധ്രപ്രദേശിലെ ഗന്നവാരം വിമാനത്താവളത്തിലായിരുന്നു സംഭവം. ഇന്നലെ രാവിലെ വിവിധ പരിപാടികളില് പങ്കെടുക്കാനായാണ് ഹൈദരാബാദില്നിന്ന് പ്രധാനമന്ത്രി വിജയവാഡയിലെത്തിയത്. പരിപാടികള് കഴിഞ്ഞ് അദ്ദേഹം തിരികെ പോകുമ്പോഴായിരുന്നു പ്രതിഷേധം. പ്രധാനമന്ത്രിയുടെ ഹെലിക്കോപ്റ്ററിനൊപ്പം കറുത്ത ബലൂണുകള് പ്രതിഷേധക്കാര് പറത്തിവിടുകയായിരുന്നു. ഗന്നവാരം വിമാനത്താവളത്തിലെ അതീവ സുരക്ഷാ മേഖലയിലേക്ക് കടന്നാണ് കോണ്ഗ്രസ് പ്രവര്ത്തകര് ബലൂണുകള് പറത്തിയത്. ഇതിന്റെ ദൃശ്യങ്ങള് സമൂഹമാധ്യമങ്ങളില് പ്രചരിച്ചിരുന്നു.