മുംബൈ: മഹാരാഷ്ട്ര മുഖ്യമന്ത്രി ഉദ്ദവ് താക്കറെ രാജിവെക്കില്ലെന്ന് റിപ്പോര്ട്ട്. വിമത എം എല് എമാരുടെ ഭീഷണിക്ക് മുന്പില് വഴങ്ങേണ്ടതില്ലെന്ന നിലപാടാണ് കോണ്ഗ്രസും എന് സി പിയും സ്വീകരിച്ചിരിക്കുന്നത്. കൃത്യമായ മാര്ഗത്തിലൂടെ വിശ്വാസ വോട്ടെടുപ്പ് നടത്തിയാല് സര്ക്കാരിന് ഭൂരിപക്ഷം ലഭിക്കുമെന്ന് എന് സി പി നേതാവ് ശരത് പവാര് പറഞ്ഞു. അസമില് ഇരുന്ന് രാഷ്ട്രീയം കളിക്കാതെ മഹാരാഷ്ട്രയിലേക്ക് വന്ന് വിശ്വാസ വോട്ടെടുപ്പ് നടത്താന് വിമത എം എല് എമാര് തയ്യാറാകണമെന്ന് ശിവസേന നേതാവ് സഞ്ജയ് റാവത്ത് പറഞ്ഞു.
അതേസമയം അസം കോണ്ഗ്രസ് അധ്യക്ഷൻ ഭൂപൻ കുമാർ ബോറ ഏക്നാഥ് ഷിൻഡേയോട് സംസ്ഥാനം വിട്ടുപോകണമെന്ന് കത്തിലൂടെ നിര്ദ്ദേശിച്ചുവെന്ന് ദേശിയ മാധ്യമങ്ങള് റിപ്പോര്ട്ട് ചെയ്യുന്നു. എക്നാഥ് ഷിന്ഡെ അസമിലെ റാഡിസണ് ബ്ലൂ ഹോട്ടലിൽ നിന്നും മുംബൈയിലേക്ക് പുറപ്പെട്ടതായി സൂചനയുണ്ട്. എന്നാല് ഇത് സംബന്ധിച്ച് ഔദ്യോഗിക സ്ഥിരീകരണം വന്നിട്ടില്ല.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
മഹാരാഷ്ട്രയിലെ രാഷ്ട്രീയ പ്രതിസന്ധിക്കിടെ ആത്മവിശ്വാസം പ്രകടിപ്പിച്ച് ശരത് പവറും രംഗത്തെത്തിയിരുന്നു. മഹാ വികാസ് അഘാഡി സർക്കാർ ഈ പ്രതിസന്ധിയെ മറികടക്കുമെന്നാണ് ശരത് പവാര് മാധ്യമങ്ങളോട് പറഞ്ഞത്. അസമിലെ ഹോട്ടലിലിരുന്നല്ല മഹാരാഷ്ട്രയില് എത്തിയാണ് വിമതര് ശക്തി തെളിയിക്കേണ്ടതെന്നും അദ്ദേഹം പറഞ്ഞു. ശിവ് സേനയിലെ എം എല് എമാര് മഹാരാഷ്ട്രയിലേക്ക് മടങ്ങിയെത്തിയാല് തീരാവുന്ന പ്രശനമേ ഇപ്പോഴുള്ളൂ. കൃത്യമായ ചട്ടം പാലിച്ച് വിശ്വാസ വോട്ടിന് വേദിയൊരുങ്ങിയാല് സര്ക്കാരിന് ഭൂരിപക്ഷം തെളിയിക്കാന് സാധിക്കുമെന്നും ശരത് പവാര് കൂട്ടിച്ചേര്ത്തു.