ബിജെപിയില്‍ കണ്ണന്താനത്തിന്റെ ടേം കഴിഞ്ഞു?, സീറ്റ് നല്‍കാതെ ബിജെപി

ഡല്‍ഹി: മുന്‍ കേന്ദ്ര സഹമന്ത്രിയും കേരളത്തില്‍ നിന്നുള്ള ബിജെപി നേതാവും നിലവില്‍ രാജ്യസഭാംഗവുമായ അല്‍ഫോന്‍സ്‌ കണ്ണന്താനത്തിന് സീറ്റ് നിഷേധിച്ച് ബിജെപി. ഇടത് സ്വതന്ത്രനായി മത്സരിച്ച് സംസ്ഥാന നിയമസഭാംഗമായ അല്‍ഫോന്‍സ്‌ കണ്ണന്താനം കൂടുതല്‍ ജനങ്ങളെ സേവിക്കാന്‍ അവസരം ലഭിക്കും എന്ന പ്രസ്താവന ഇറക്കിയാണ് ബിജെപിയില്‍ ചേര്‍ന്നത്. 2014-ല്‍ അധികാരത്തില്‍ വന്ന ഒന്നാം മോദി മന്ത്രിസഭയില്‍ സഹമന്ത്രിയായി അവസരം ലഭിക്കുകയും ചെയ്തു. എന്നാല്‍ കാലാവധി അവസാനിച്ച അല്‍ഫോന്‍സ്‌ കണ്ണന്താനത്തിനെ ഇത്തവണ രാജ്യസഭയിലേക്ക് ബിജെപി പരിഗണിച്ചില്ല. 

തങ്ങളുടെ രാജ്യസഭാ സ്ഥാനാര്‍ഥികളെ പ്രഖ്യാപിച്ചുകൊണ്ട് ബിജെപി പുറത്തുവിട്ട പട്ടികയില്‍ കേന്ദ്ര ധനകാര്യ മന്ത്രി നിര്‍മലാ സീതാരാമന്‍ കര്‍ണാടകയില്‍നിന്നും വ്യവസായ വാണിജ്യകാര്യ മന്ത്രി പിയൂഷ് ഗോയല്‍ മഹാരാഷ്ട്രയില്‍നിന്നും മത്സരിക്കുമെന്നാണ് അറിയിച്ചിട്ടുള്ളത്. കേരളത്തില്‍ നിന്നുള്ള സുരേഷ് ഗോപി, അല്‍ഫോന്‍സ്‌ കണ്ണന്താനം എന്നിവര്‍ക്ക് അവസരം നല്‍കിയിട്ടില്ല. കേരളത്തില്‍ നിന്ന് പരിഗണിക്കപ്പെട്ടവര്‍ക്കെല്ലാം ഓരോ തവണ മാത്രമാണ് അവസരം നല്‍കിയത്.

മുന്‍ കേന്ദ്രമന്ത്രി ഒ രാജഗോപാല്‍, അല്‍ഫോന്‍സ്‌ കണ്ണന്താനം എന്നിവര്‍ ആ പട്ടികയില്‍ വരും. ഇപ്പോഴത്തെ കേന്ദ്ര വിദേശകാര്യ സഹമന്ത്രി വി മുരളീധരനും ഈ ടേം കഴിഞ്ഞാല്‍ അവസരം ലഭിക്കില്ല എന്നാണ് ബിജെപി വൃത്തങ്ങള്‍ നല്‍കുന്ന സൂചന. ഇതോടെ അല്‍ഫോന്‍സ്‌ കണ്ണന്താനത്തിന്‍റെ ബിജെപിയിലെ രാഷ്ട്രീയ കരിയര്‍ അവസാനിക്കുകയാണ് എന്നാണ് രാഷ്ട്രീയ നിരീക്ഷകര്‍ വിലയിരുത്തുന്നത്. അതേസമയം എ പി അബ്ദുള്ളക്കുട്ടിക്ക് ലഭിച്ചതുപോലെ ന്യൂനപക്ഷ ക്ഷേമവുമായി ബന്ധപ്പെട്ട ഏതെങ്കിലും ബോഡികളില്‍ അവസരം ലഭിക്കുമോ എന്ന അന്വേഷണം അല്‍ഫോന്‍സ്‌ കണ്ണന്താനം നടത്തുന്നുണ്ട് എന്നാണ് വിവരം. 

മുസിരിസ് പോസ്റ്റിനെ ടെലഗ്രാംവാട്‌സാപ്പ് എന്നിവയിലൂടേയും  ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക 

ബിജെപി ദേശീയ ജനറല്‍ സെക്രട്ടറി അരുണ്‍ സിങ്ങ്  പ്രഖ്യാപിച്ച പട്ടികപ്രകാരം ബിജെപിക്ക് ഇത്തവണ ഏറ്റവും കൂടുതല്‍ രാജ്യസഭാ അംഗങ്ങളെ ലഭിക്കുക ഉത്തര്‍ പ്രദേശില്‍ നിന്നാണ്. ആറ് അംഗങ്ങളാണ് യുപിയില്‍ നിന്ന് രാജ്യസഭയിലെത്തുക. കര്‍ണാടക, മഹാരാഷ്ട്ര, ബിഹാര്‍ എന്നിവിടങ്ങളില്‍നിന്ന് രണ്ടുപേര്‍ വീതവും  മധ്യപ്രദേശ്, രാജസ്ഥാന്‍, ഉത്തരാഖണ്ഡ് എന്നീ സംസ്ഥാനങ്ങളില്‍നിന്ന് ഓരോ സീറ്റുവീതവുമാണ് ബിജെപിക്ക് ലഭിക്കുക. 

Contact the author

National Desk

Recent Posts

National Desk 22 hours ago
National

ബട്ടര്‍ ചിക്കനെ ചൊല്ലിയുളള നിയമയുദ്ധം തുടരുന്നു; ഡല്‍ഹി ഹൈക്കോടതിയില്‍ പുതിയ ഹര്‍ജി

More
More
National Desk 22 hours ago
National

മണിപ്പൂരില്‍ ഈസ്റ്ററിന് അവധിയില്ല; സർക്കാർ ഓഫീസുകൾ പ്രവർത്തിക്കണമെന്ന് ഉത്തരവ്

More
More
National Desk 1 day ago
National

സീറ്റ് ലഭിക്കാത്ത മനോവിഷമത്തിൽ ആത്മഹത്യക്ക് ശ്രമിച്ച ഈറോഡ് എംപി അന്തരിച്ചു

More
More
National Desk 1 day ago
National

1996-ലെ മയക്കുമരുന്ന് കേസ്; സഞ്ജീവ് ഭട്ട് കുറ്റക്കാരനാണെന്ന് കോടതി

More
More
National Desk 2 days ago
National

'ലഡാക്കിനായുളള പോരാട്ടം മറ്റ് മാര്‍ഗങ്ങളിലൂടെ തുടരും'; 21 ദിവസത്തെ നിരാഹാര സമരം അവസാനിപ്പിച്ച് സോനം വാങ്ചുക്

More
More
National Desk 2 days ago
National

2047-ല്‍ ഇന്ത്യയെ വികസിത രാഷ്ട്രമാക്കുമെന്ന മോദിയുടെ വാദം അസംബന്ധം- രഘുറാം രാജന്‍

More
More