ഡല്ഹി: കേരളത്തിലെ കാട്ടുപന്നി ആക്രമണവും കൃഷി നശിപ്പിക്കലും കെട്ടിചമച്ച കഥയാണെന്ന് മുന് കേന്ദ്ര പരിസ്ഥിതി മന്ത്രിയും ബിജെപി എംപിയുമായ മേനക ഗാന്ധി ആരോപിച്ചു. വിളനാശവും ആക്രമണവുമായി ബന്ധപ്പെട്ട് കര്ഷകര് അനുഭവിക്കുന്ന ദുരിതങ്ങള്ക്ക് പരിഹാരമായി ഭീഷണിയുയര്ത്തുന്ന കാട്ടുപന്നികളെ വെടിവെച്ചുകൊല്ലാന് അനുമതി നല്കിക്കൊണ്ട് സംസ്ഥാന സര്ക്കാര് കഴിഞ്ഞ ദിവസം ഉത്തരവിറക്കിയിരുന്നു. ഇതിനോട് പ്രതികരിച്ചുകൊണ്ടാണ് മേനക ഗാന്ധി എംപി വിവാദ പ്രസ്താവന നടത്തിയിരിക്കുന്നത്.
''കേരളത്തിലെ ആളുകള്ക്ക് കാട്ടുപന്നിയെയും വളര്ത്തു പന്നിയെയും തിരിച്ചറിയാന് സാധിക്കുന്നില്ല എന്നാണ് തോന്നുന്നത്. പന്നി ഫാമുകള് ധാരാളമുള്ള കേരളത്തില് കാടിന്റെ ഓരത്തേക്ക് പോകുന്ന ഫാമിലെ പന്നികളെയാണ് കാട്ടുപന്നികളായി തെറ്റിദ്ധരിക്കുന്നത്. ഇപ്പോഴത്തെ കേരള സര്ക്കാര് ഉത്തരവ് രാജ്യത്തെയാകെ ബാധിക്കുന്നതാണ്. പന്നി വേട്ടക്കാരാണ് ഇത്തരം നീക്കങ്ങള്ക്ക് പിന്നില്''- മേനക ഗാന്ധി പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
പരിസ്ഥിതി സംരക്ഷണത്തില് പന്നികള്ക്ക് അവരുടെതായ പങ്കു വഹിക്കാനുണ്ട്. പ്രളയം, വെള്ളപ്പൊക്കം പോലുള്ള ഭീഷണികള് ഉള്ള കേരളത്തിന് കൂടുതല് ദുരന്തങ്ങള് ഉണ്ടാകാന് മാത്രമേ ഇപ്പോഴത്തെ ഉത്തരവ് വഴിവെക്കു. കര്ഷകരുടെ മറവില് വേട്ടക്കാരാണ് പ്രവര്ത്തിക്കുന്നത്. കര്ഷകര് പന്നികളെ കൊല്ലാന് ആഗ്രഹിക്കില്ല എന്നും മേനക ഗാന്ധി കൂട്ടിച്ചേര്ത്തു.