നടി ആക്രമിക്കപ്പെട്ട സംഭവം; ഇനി ഒരു പ്രശ്‌നം വന്നാല്‍ ആരും സഹായത്തിനായി എ എം എം എയെ സമീപിക്കില്ല- അര്‍ച്ചനാ കവി

കൊച്ചി:  നടി ആക്രമിക്കപ്പെട്ട കേസില്‍ നടക്കുന്നത് അന്യായമാണെന്ന് നടി അര്‍ച്ചനാ കവി. സുഹൃത്തുക്കള്‍ എന്ന നിലയിലും സഹപ്രവര്‍ത്തകര്‍ എന്ന നിലയിലും തങ്ങള്‍ക്ക് അവരെ പിന്തുണയ്ക്കാന്‍ മാത്രമേ സാധിക്കുകയുളളു എന്നും നീതി ലഭിക്കുമെന്നാണ് പ്രതീക്ഷയെന്നും അര്‍ച്ചനാ കവി പറഞ്ഞു. ഏഷ്യാനെറ്റ് ന്യൂസിനോട് സംസാരിക്കുകയായിരുന്നു അവര്‍.

'സിനിമാ മേഖലയില്‍നിന്ന് ആക്രമിക്കപ്പെട്ട നടിക്ക് വേണ്ടത്ര പരിഗണന ലഭിക്കുന്നുണ്ട് എന്ന് എനിക്ക് തോന്നുന്നില്ല. നടി ആക്രമിക്കപ്പെട്ട വിഷയം മാത്രമല്ല അടുത്തിടെ ലൈംഗികമായി പീഡിപ്പിച്ചെന്ന യുവനടിയുടെ പരാതി വന്നപ്പോഴും എ എം എം എ ശരിയായ നടപടിയെടുത്തിട്ടുണ്ടെന്ന് തോന്നുന്നില്ല. അതിജീവിതയായ പെണ്‍കുട്ടിയുടെ പേര് വെളിപ്പെടുത്തിയ സംഭവം ദൗര്‍ഭാഗ്യകരമാണ്. ഇതൊക്കെ ഞങ്ങളുടെ സുരക്ഷയെ ബാധിക്കുന്ന കാര്യങ്ങളാണ്. നാളെ ഒരു പ്രശ്‌നം വന്നാല്‍ എനിക്ക് തോന്നുന്നില്ല ആരും സഹായത്തിനായി എ എം എം എയുടെ അടുത്തേക്ക് പോകുമെന്ന്. നടി ആക്രമിക്കപ്പെട്ടിട്ട് വര്‍ഷം കുറേയായി. എനിക്കറിയില്ല അവര്‍ ആരെയാണ് സംരക്ഷിക്കാന്‍ ശ്രമിക്കുന്നതെന്ന്. അതാണ് വിഷമിപ്പിക്കുന്ന കാര്യം'- അര്‍ച്ചനാ കവി പറഞ്ഞു.

മുസിരിസ് പോസ്റ്റിനെ ടെലഗ്രാംവാട്‌സാപ്പ് എന്നിവയിലൂടേയും  ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

അതേസമയം, കഴിഞ്ഞ ദിവസം രാത്രി ഓട്ടോ യാത്രക്കിടെ പൊലീസില്‍നിന്നുണ്ടായ ദുരനുഭവം അര്‍ച്ചന സമൂഹമാധ്യമങ്ങളിലൂടെ പങ്കുവെച്ചിരുന്നു. കൊച്ചിയില്‍വെച്ച് സുഹൃത്തിനൊപ്പം ഓട്ടോയില്‍ യാത്ര ചെയ്യുന്നതിനിടെ പൊലീസ് മോശമായാണ് സംസാരിച്ചതെന്നും തനിക്കത് സുരക്ഷിതമായി തോന്നിയില്ലെന്നും നടി പറഞ്ഞിരുന്നു. അര്‍ച്ചനയുടെ കുറിപ്പ് ചര്‍ച്ചയായതിനെത്തുടര്‍ന്ന് പൊലീസുകാരനെതിരെ ആഭ്യന്തര അന്വേഷണം ആരംഭിച്ചിരുന്നു. എന്നാല്‍ താന്‍ മോശമായി പെരുമാറിയിട്ടില്ലെന്നും പട്രോളിങ്ങിന്റെ ഭാഗമായി വിവരം ശേഖരിക്കുക മാത്രമാണ് ചെയ്തതെന്നുമാണ് പൊലീസുകാരന്റെ വിശദീകരണം.

Contact the author

Web Desk

Recent Posts

Web Desk 1 day ago
Keralam

വീണ വിജയന്‍റെ കമ്പനിയായ എക്സാലോജിക്കിനെതിരെ ഇഡി കേസെടുത്തു

More
More
Web Desk 2 days ago
Keralam

കലാമണ്ഡലത്തില്‍ ഇനി ആണ്‍കുട്ടികള്‍ക്കും മോഹിനിയാട്ടത്തിന് പ്രവേശനം ലഭിക്കും

More
More
Web Desk 3 days ago
Keralam

സിദ്ധാര്‍ഥിന്റെ മരണം; കേസ് അട്ടിമറിക്കാനുളള നീക്കം എന്ത് വില കൊടുത്തും ചെറുക്കും- വി ഡി സതീശന്‍

More
More
Web Desk 3 days ago
Keralam

കേരളം ഇന്ന് 4866 കോടി കടമെടുക്കും

More
More
Web Desk 4 days ago
Keralam

സസ്‌പെന്‍ഡ് ചെയ്ത വിദ്യാര്‍ത്ഥികളെ തിരിച്ചെടുത്ത സംഭവം; വിസിക്കെതിരെ പരാതി നല്‍കുമെന്ന് സിദ്ധാര്‍ഥിന്റെ അച്ഛന്‍

More
More
Web Desk 4 days ago
Keralam

'എന്തിന്' ? ; കെ സുരേന്ദ്രന്റെ വയനാട് സ്ഥാനാര്‍ത്ഥിത്വത്തെ പരിഹസിച്ച് ടി സിദ്ദിഖ്

More
More