'മുഖ്യമന്ത്രിക്കും എനിക്കും ഒരേ സംസ്കാരമാണ്' - കെ സുധാകരന്‍

തിരുവനന്തപുരം: ചങ്ങല പരാമര്‍ശത്തോട് പ്രതികരിച്ച മുഖ്യമന്ത്രിക്ക് മറുപടിയുമായി കെപിസിസി പ്രസിഡന്റ് കെ സുധാകരന്‍. 'ഞാനും മുഖ്യമന്ത്രിയും കണ്ണൂരുകാരാണ്. അതുകൊണ്ട് തന്നെ ഞങ്ങള്‍ക്ക് ഒരേ സംസ്‌കാരമാണ്' എന്നാണ് കെ സുധാകരന്‍റെ പ്രതികരണം. കുറ്റം നോക്കിയല്ല രാഷ്ട്രീയ പാരമ്പര്യം നോക്കിയാണ് തനിക്കെതിരെ കേസ് എടുക്കാറുള്ളതെന്ന് അദ്ദേഹം ആരോപിച്ചു. പറയാനുള്ളത് ഇനിയും പറയും. അക്കാര്യത്തില്‍ ആര്‍ക്കും സംശയം വേണ്ടെന്നും അദ്ദേഹം പറഞ്ഞു.

ചങ്ങല പൊട്ടിപ്പോയ നായയെപ്പോലെയാണ് മുഖ്യമന്ത്രി പിണറായി വിജയന്‍ തൃക്കാക്കരയില്‍ വന്നിരിക്കുന്നത് എന്ന സുധാകരന്‍റെ പരാമര്‍ശത്തോട് പ്രതികരിക്കുമ്പോഴാണ്‌ സുധാകരനെ മുഖ്യമന്ത്രി പരിഹസിച്ചത്. പട്ടി എന്ന വാക്കിന് മലബാറിലും തിരുവിതാംകൂറിലും അര്‍ത്ഥവ്യത്യാസമില്ലെന്നും അത്തരം പരാമര്‍ശങ്ങള്‍ ഓരോരുത്തരുടെ സംസ്‌കാരത്തെയാണ് കാണിക്കുന്നതെന്നുമായിരുന്നു മുഖ്യമന്ത്രിയുടെ പരിഹാസം. സുധാകരനെതിരെ കേസെടുക്കാന്‍ സര്‍ക്കാരിന് പ്രത്യേക താല്‍പര്യമില്ല. തെരഞ്ഞെടുപ്പ് കമ്മീഷന്റെ ചട്ടങ്ങള്‍ക്ക് അനുസരിച്ച് പരാതി വന്നപ്പോഴാണ് പൊലീസ് കേസെടുത്തതെന്നും മുഖ്യമന്ത്രി വ്യക്തമാക്കിയിരുന്നു.

മുസിരിസ് പോസ്റ്റിനെ ടെലഗ്രാംവാട്‌സാപ്പ് എന്നിവയിലൂടേയും  ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

ചങ്ങല പൊട്ടിപ്പോയ നായയെപ്പോലെയാണ് മുഖ്യമന്ത്രി പിണറായി വിജയന്‍ തൃക്കാക്കരയില്‍ വന്നിരിക്കുന്നത് എന്നായിരുന്നു കെ സുധാകരന്റെ വിവാദ പരാമര്‍ശം. മുഖ്യമന്ത്രിയെ ആരും കാര്യങ്ങള്‍ പറഞ്ഞ് മനസിലാക്കുന്നില്ലെന്നും നിയന്ത്രിക്കാന്‍ ആരുമില്ലെന്നും സുധാകരന്‍ പറഞ്ഞിരുന്നു. പരാമര്‍ശം വിവാദമായതോടെ അദ്ദേഹം വിശദീകരണവുമായി രംഗത്തെത്തിയിരുന്നു. മുഖ്യമന്ത്രി പിണറായി വിജയനെതിരെ താന്‍ മോശം പരാമര്‍ശം നടത്തിയിട്ടില്ലെന്നും അത് മോശം പരാമര്‍ശമായി തോന്നുകയാണെങ്കില്‍ പിന്‍വലിക്കുന്നു എന്നുമാണ് സുധാകരന്‍ പറഞ്ഞത്. ചങ്ങല പൊട്ടിയ നായ എന്നത് മലബാറിലെ കൊളോക്യല്‍ ഉപമയാണ്. അപമാനിക്കുന്ന രീതിയില്‍ അതില്‍ ഒന്നുംതന്നെയില്ല. തന്നെക്കുറിച്ചും ഇത്തരം പരാമര്‍ശങ്ങള്‍ നടത്തിയിട്ടുണ്ട് എന്നും സുധാകരന്‍ പറഞ്ഞിരുന്നു.

Contact the author

Web Desk

Recent Posts

Web Desk 9 hours ago
Keralam

സജി ചെറിയാന്‍ സാംസ്‌കാരിക മന്ത്രിസ്ഥാനം രാജിവെച്ചു; എം എല്‍ എ സ്ഥാനവുമൊഴിയണമെന്ന് പ്രതിപക്ഷം

More
More
Web Desk 12 hours ago
Keralam

അറിവില്ലായ്മ രാഷ്ട്രീയത്തില്‍ അയോഗ്യതയല്ല; സജി ചെറിയാന്‍റെ വെറും നാക്ക് പിഴയല്ല -ശശി തരൂര്‍

More
More
Web Desk 13 hours ago
Keralam

വിജയ്‌ ബാബുവിന്‍റെ മുന്‍കൂര്‍ ജാമ്യം തള്ളണമെന്ന ഹര്‍ജി സുപ്രീംകോടതി തള്ളി

More
More
Web Desk 14 hours ago
Keralam

സജി ചെറിയാന് രാജിവെച്ച് ആര്‍ എസ് എസില്‍ ചേരാം, കേന്ദ്രമന്ത്രിയാകാം- പ്രതിപക്ഷ നേതാവ്

More
More
Web Desk 16 hours ago
Keralam

നാടകം കളിച്ചു നിന്നാല്‍ എം എല്‍ എ സ്ഥാനവും നഷ്ടമാകും - സജി ചെറിയാനോട് കെ മുരളീധരന്‍

More
More
Web Desk 17 hours ago
Keralam

സജി ചെറിയാന്റെ പരാമര്‍ശം ഗുരുതരം; വിമര്‍ശനവുമായി സി പി ഐ

More
More