രാഹുല്‍ ഗാന്ധിയുടെ ദൃശ്യങ്ങള്‍ തെറ്റായി പ്രചരിപ്പിച്ചു; ബിജെപി നേതാവ് കപില്‍ മിശ്രക്കെതിരെ പരാതി നല്‍കി കോണ്‍ഗ്രസ്

ഡല്‍ഹി: നേപ്പാളില്‍ സുഹൃത്തിന്റെ വിവാഹത്തില്‍ പങ്കെടുക്കുന്ന രാഹുല്‍ ഗാന്ധിയുടെ ദൃശ്യങ്ങള്‍ നൈറ്റ് ക്ലബിലേതെന്ന രീതിയില്‍ പ്രചരിപ്പിച്ചതിന് ബിജെപി നേതാവ് കപില്‍ മിശ്രക്കെതിരെ പരാതി നല്‍കി കോണ്‍ഗ്രസ്. ചത്തീസ്ഗഢ് ആരോഗ്യവകുപ്പ് മന്ത്രിയും കോണ്‍ഗ്രസ് നേതാവുമായ ടി എസ് സിംഗ് ദിയോയാണ് കപില്‍ മിശ്രക്കെതിരെ പൊലീസില്‍ പരാതി നല്‍കിയത്. കപില്‍ മിശ്രയെക്കൂടാതെ ഡല്‍ഹി ബിജെപി വക്താവ് ഹരീഷ് ഖുറാന, മുന്‍ മേജര്‍ സുരേന്ദ്ര പൂനിയ എന്നിവര്‍ക്കെതിരെയും നടപടിയെടുക്കണമെന്ന് അദ്ദേഹം ആവശ്യപ്പെട്ടു. 

'രാഹുല്‍ ഗാന്ധിക്കെതിരെ തെറ്റായ വിവരങ്ങള്‍ പ്രചരിപ്പിച്ചതിന് കപില്‍ മിശ്ര, മേജര്‍ സുരേന്ദ്ര പൂനിയ, ഹരീഷ് ഖുറാന എന്നിവര്‍ക്കെതിരെ പരാതി കൊടുത്തു. ജഗദല്‍പൂര്‍ പൊലീസ് സ്റ്റേഷനിലാണ് എഫ് ഐ ആര്‍ രജിസ്റ്റര്‍ ചെയ്തിട്ടുളളത്. രാഹുല്‍ ഗാന്ധിയുടെ പ്രതിഛായ തകര്‍ക്കാന്‍ ബോധപൂര്‍വ്വം നടത്തിയ ശ്രമമാണിത്. തെറ്റ് ചെയ്തവര്‍ക്ക് അതിനുളള ശിക്ഷ ലഭിക്കണം'- മന്ത്രി ട്വീറ്റ് ചെയ്തു.

മുസിരിസ് പോസ്റ്റിനെ ടെലഗ്രാംവാട്‌സാപ്പ് എന്നിവയിലൂടേയും  ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

രാഹുല്‍ ഗാന്ധി നേപ്പാളിലെ നൈറ്റ് ക്ലബില്‍ മതിമറന്ന് ആഘോഷിക്കുന്നു എന്നും അദ്ദേഹം നേപ്പാളിലെ ചൈനീസ് അംബാസഡറുമായി രഹസ്യ കൂടിക്കാഴ്ച്ച നടത്തി എന്നുമാരോപിച്ചാണ് ബിജെപിയുടെ സൈബര്‍ ഗ്രൂപ്പുകള്‍ രാഹുല്‍ ഗാന്ധിയുടെ വീഡിയോ പ്രചരിപ്പിച്ചത്. തികച്ചും വ്യാജവും അടിസ്ഥാന രഹിതവുമായ കാര്യങ്ങളാണ് ബിജെപി പ്രചരിപ്പിക്കുന്നത്.  കോണ്‍ഗ്രസിനെയും രാഹുല്‍ ഗാന്ധിയെയും അപമാനിക്കാനും ജനങ്ങള്‍ക്കിടയില്‍ അപകീര്‍ത്തിപ്പെടുത്താനുമുളള ശ്രമമാണ് ബിജെപിയുടേതെന്ന് ടി എസ് സിംഗ് ദിയോ പരാതിയില്‍ പറയുന്നു.

രാഹുല്‍ ഗാന്ധി അദ്ദേഹത്തിന്റെ സുഹൃത്തിന്റെ വിവാഹത്തില്‍ പങ്കെടുക്കാനാണ് നേപ്പാളിലേക്ക് പോയത്. തികച്ചും സ്വകാര്യമായ സന്ദര്‍ശനമായിരുന്നു അത്. അവിടെ അദ്ദേഹത്തോടൊപ്പമുണ്ടായിരുന്നത് ചൈനീസ് യുവതിയാണെന്ന് തെറ്റായ വിവരമാണ് പ്രചരിപ്പിച്ചത്. അത് നേപ്പാളിലുളള അദ്ദേഹത്തിന്റെ സുഹൃത്താണ്. രാഹുല്‍ ഗാന്ധിക്കെതിരെ തെറ്റായ വിവരങ്ങള്‍ പ്രചരിപ്പിച്ചവര്‍ക്കെതിരെ കര്‍ശന നടപടിയെടുക്കണം എന്നും ടി എസ് സിംഗ് ദിയോ ആവശ്യപ്പെട്ടു.

Contact the author

National Desk

Recent Posts

National Desk 2 hours ago
National

ബട്ടര്‍ ചിക്കനെ ചൊല്ലിയുളള നിയമയുദ്ധം തുടരുന്നു; ഡല്‍ഹി ഹൈക്കോടതിയില്‍ പുതിയ ഹര്‍ജി

More
More
National Desk 3 hours ago
National

മണിപ്പൂരില്‍ ഈസ്റ്ററിന് അവധിയില്ല; സർക്കാർ ഓഫീസുകൾ പ്രവർത്തിക്കണമെന്ന് ഉത്തരവ്

More
More
National Desk 6 hours ago
National

സീറ്റ് ലഭിക്കാത്ത മനോവിഷമത്തിൽ ആത്മഹത്യക്ക് ശ്രമിച്ച ഈറോഡ് എംപി അന്തരിച്ചു

More
More
National Desk 8 hours ago
National

1996-ലെ മയക്കുമരുന്ന് കേസ്; സഞ്ജീവ് ഭട്ട് കുറ്റക്കാരനാണെന്ന് കോടതി

More
More
National Desk 1 day ago
National

'ലഡാക്കിനായുളള പോരാട്ടം മറ്റ് മാര്‍ഗങ്ങളിലൂടെ തുടരും'; 21 ദിവസത്തെ നിരാഹാര സമരം അവസാനിപ്പിച്ച് സോനം വാങ്ചുക്

More
More
National Desk 1 day ago
National

2047-ല്‍ ഇന്ത്യയെ വികസിത രാഷ്ട്രമാക്കുമെന്ന മോദിയുടെ വാദം അസംബന്ധം- രഘുറാം രാജന്‍

More
More