ഡല്ഹി: കൃത്യസമയത്ത് മുന്സിപ്പല് തെരഞ്ഞെടുപ്പ് നടത്തി ബിജെപി ജയിച്ചാല് ആംആദ്മി പാര്ട്ടി പിരിച്ചുവിടുമെന്ന് ഡല്ഹി മുഖ്യമന്ത്രിയും എ എ പി അധ്യക്ഷനുമായ അരവിന്ദ് കെജ്റിവാള്. ഇപ്പോള് മുന്സിപ്പല് തെരഞ്ഞെടുപ്പ് റദ്ദാക്കിയ ബിജെപി, ഭാവിയില് സംസ്ഥാന, ദേശീയ തലത്തിലുളള തെരഞ്ഞെടുപ്പുകളും ഇല്ലാതാക്കുമെന്ന് അദ്ദേഹം പറഞ്ഞു. ഡല്ഹിയിലെ നോര്ത്ത്, ഈസ്റ്റ്, സൗത്ത് തദ്ദേശ ബോഡികളെ ഏകീകരിച്ച് കേന്ദ്രമന്ത്രിസഭ ബില് പാസാക്കുകയും മുന്സിപ്പല് തെരഞ്ഞെടുപ്പ് മാറ്റിവെയ്ക്കുകയും ചെയ്തിരുന്നു. ഈ പശ്ചാത്തലത്തിലാണ് അരവിന്ദ് കെജ്റിവാളിന്റെ പ്രതികരണം.
'ലോകത്തിലെ ഏറ്റവും വലിയ രാഷ്ട്രീയ പാര്ട്ടിയാണ് തങ്ങളെന്ന് ബിജെപി പറയുന്നുണ്ട്. എന്നിട്ടും ആം ആദ്മി പോലെ ചെറിയൊരു പാര്ട്ടിയെയും ഡല്ഹിയിലെ ചെറിയ തദ്ദേശ തെരഞ്ഞെടുപ്പിനെയും അവര് ഭയപ്പെടുന്നു. മുന്സിപ്പല് കോര്പ്പറേഷന് ഓഫ് ഡല്ഹി (എംസിഡി) തെരഞ്ഞെടുപ്പ് കൃത്യസമയത്ത് നടത്തി ബിജെപി വിജയിക്കുകയാണെങ്കില് ആംആദ്മി പിരിച്ചുവിടും'-അരവിന്ദ് കെജ്റിവാള് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഭരണഘടനയും ജനാധിപത്യവും സംരക്ഷിക്കണമെന്നും അരവിന്ദ് കെജ്റിവാള് പ്രധാനമന്ത്രി നരേന്ദ്രമോദിയോട് ആവശ്യപ്പെട്ടു. ഞാനോ പ്രധാനമന്ത്രിയോ അല്ല, ഈ രാജ്യത്തെ ഭരണഘടനയും ജനാധിപത്യവുമാണ് പ്രധാനം. അത് സംരക്ഷിക്കപ്പെടണം- അരവിന്ദ് കെജ്റിവാള് കൂട്ടിച്ചേര്ത്തു.