നാഗ്പൂര്: മുഹമ്മദ് അലി ജിന്ന ഒരുതവണയാണ് ഇന്ത്യയെ വിഭജിച്ചതെങ്കില് ബിജെപി രാജ്യത്തെ ദിനംപ്രതി വിഭജിക്കുകയാണെന്ന് ശിവസേന എം പി സഞ്ജയ് റാവത്ത്. '22 കോടിയിലധികം മുസ്ലീങ്ങള് ഇന്ത്യയില് ജീവിക്കുന്നുണ്ട്. അവരില് ബിജെപിക്കും ശിവസേനയ്ക്കും വോട്ട് ചെയ്തിട്ടുണ്ട്. മുഹമ്മദലി ജിന്ന ഒരു തവണ ഇന്ത്യയെ വിഭജിച്ച് പാക്കിസ്ഥാനുണ്ടാക്കി. എന്നാല് ബിജെപി നേതാക്കള് നിരന്തരം അവരുടെ പ്രസ്താവനകളിലൂടെ ഹിന്ദുക്കള്ക്കും മുസ്ലീങ്ങള്ക്കുമിടയില് ഭിന്നത സൃഷ്ടിച്ച് ഇന്ത്യയെ വിഭജിക്കുകയാണ്'-സഞ്ജയ് റാവത്ത് പറഞ്ഞു. നാഗ്പൂരില് മാധ്യമപ്രവര്ത്തകരോട് സംസാരിക്കുകയായിരുന്നു അദ്ദേഹം.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
കേന്ദ്ര അന്വേഷണ ഏജന്സികളെ ബിജെപി ദുരുപയോഗം ചെയ്യുകയാണെന്നും സഞ്ജയ് റാവത്ത് ആരോപിച്ചു. കോണ്ഗ്രസിന്റെ നേതൃത്വത്തില് യുപിഎ സര്ക്കാര് അധികാരത്തിലുണ്ടായിരുന്ന കാലത്ത് എന്ഫോഴ്സ്മെന്റ് ഡയറക്ടറേറ്റ് 23 റെയ്ഡുകളാണ് നടത്തിയിരുന്നതെങ്കില് മോദി സര്ക്കാര് കഴിഞ്ഞ ഏഴ് വര്ഷത്തിനിടെ 23,000 റെയ്ഡുകളാണ് നടത്തിയത്. ഇതില് ഭൂരിഭാഗവും നടന്നത് മഹാരാഷ്ട്രയിലും പശ്ചിമബംഗാളിലുമാണ്. എന്തുകൊണ്ടാണ് ബിജെപി ഭരിക്കുന്ന സംസ്ഥാനങ്ങളില് ഈ അന്വേഷണ ഏജന്സികള് റെയ്ഡ് നടത്താത്തത്?-സഞ്ജയ് റാവത്ത് ചോദിച്ചു.