കൊച്ചി: വധഗൂഢാലോചന കേസില് ദിലീപിനെ വിളിച്ചവരില് ഡി ഐ ജിക്കും പങ്കെന്ന് ക്രൈംബ്രാഞ്ച്. ഡിഐജി സഞ്ജയ് കുമാർ ഗുരുദിൻ ദിലീപുമായി സംസാരിച്ചതിന്റെ രേഖകൾ മാധ്യമങ്ങളാണ് പുറത്തുവിട്ടിരിക്കുന്നത്. ജനുവരി 8 നാണ് ദിലീപും സഞ്ജയ് കുമാറും തമ്മില് ഫോണിലൂടെ സംസാരിച്ചത്. 4 മിനിറ്റ് ദൈര്ഘ്യമുള്ള സംഭാഷണത്തിനൊടുവിലാണ് ദിലീപ് ഫോണ് അന്വേഷണ ഉദ്യോഗസ്ഥര്ക്ക് പരിശോധനക്കായി കൈ മാറിയത്. കേസുമായി ബന്ധപ്പെട്ട കൂടുതല് കാര്യങ്ങള് ഡി ഐ ജി ദിലീപിന് ചോര്ത്തി നല്കിയോയെന്ന കാര്യവും ക്രൈംബ്രാഞ്ച് പരിശോധിച്ച് വരികയാണ്.
അതേസമയം, ഗൂഢാലോചന കേസുമായി ബന്ധപ്പെട്ട തെളിവുകൾ നശിപ്പിച്ചിട്ടില്ലെന്ന് ദിലീപ് കോടതിയെ അറിയിച്ചു. വധ ഗൂഢാലോചന കേസ് റദ്ദാക്കണമെന്ന ഹർജിയിലാണ് ദിലീപിന്റെ വിശദീകരണം. ഫോണിൽ നിന്നും നീക്കം ചെയ്തത് കേസുമായി ബന്ധമില്ലാത്ത സ്വകാര്യ സംഭാഷണങ്ങളാണ്. ഫോറന്സിക് റിപ്പോര്ട്ടില് ഒന്നും കണ്ടെത്തിയിട്ടില്ല. ലാബില് നിന്നും ക്രൈംബ്രാഞ്ച് പിടിച്ചെടുത്ത മിറര് ഇമേജും ഫോറന്സിക് റിപ്പോര്ട്ടും തമ്മില് വ്യത്യാസമില്ലെന്നും ദിലീപ് പറഞ്ഞു. എന്നാല് എത്ര സന്ദേശങ്ങള് നശിപ്പിച്ചുവെന്നോ ഏതൊക്കെ സന്ദേശങ്ങളാണ് നശിപ്പിച്ചതെന്നോ ദിലീപ് ഇതുവരെ വ്യക്തമാക്കിയിട്ടില്ല.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ദിലീപ് മൊബൈലില് കൃത്രിമം കാട്ടിയതായി മുംബൈ ലാബില് നിന്ന് ക്രൈംബ്രാഞ്ചിന് വിവരം ലഭിച്ചിരുന്നു. ദിലീപ് കോടതിയില് സമര്പ്പിച്ച മൊബൈല് ഫോണുകള് അന്വേഷണ സംഘം പരിശോധിച്ചപ്പോഴാണ് ഇതുസംബന്ധിച്ച് നിര്ണ്ണായക വിവരങ്ങള് ലഭിച്ചത്. ദിലീപ് കൈമാറിയ ആറ് ഫോണുകളിലേയും വിവരങ്ങള് ആദ്യം ഒരു ഹാര്ഡ് ഡിസ്കിലേക്ക് ലാബില് നിന്നും മാറ്റിയിരുന്നു. അന്വേഷണ സംഘത്തില് നിന്ന് വസ്തുതകള് മറച്ചുവെയ്ക്കാന് വേണ്ടിയാണ് മൊബൈല് ഫോണിലെ ഡാറ്റ നീക്കം ചെയ്തത്. ഇതുമായി ബന്ധപ്പെട്ടുള്ള തെളിവുകള് അന്വേഷണ സംഘം ശേഖരിച്ചതായാണ് റിപ്പോര്ട്ട്. ഹാര്ഡ് ഡിസ്കിന്റെ മിറര് കോപ്പി ക്രൈംബ്രാഞ്ചിന് ലഭിച്ചു.
ഫോണുകളിലെ ഡാറ്റ പകര്ത്തിയ ഹാര്ഡ് ഡിസ്കിന്റെ മിറര് കോപ്പിക്ക് പുറമേ, ഫോണുകള് കൊറിയര് ചെയ്തതിന്റെ ബില്, ലാബ് തയ്യാറാക്കിയ ഫോറന്സിക് റിപ്പോര്ട്ട് എന്നിവയും നിര്ണ്ണായക തെളിവുകളാകും. നീക്കം ചയ്ത ഡാറ്റകളുടെ പരിശോധനയിലൂടെ ഉദ്യോഗസ്ഥരെ വധിക്കാന് ദിലീപ് ഗൂഡാലോചന നടത്തി എന്നതിന്റെ കൂടുതല് തെളിവുകള് ക്രൈം ബ്രാഞ്ചിന് ലഭിച്ചിട്ടുണ്ട്.