സൈനികന്റെ അമ്മ: "മോനെ നീ എവിടെയാണ്? അച്ഛന് അന്വേഷിക്കുകയാണ്. ഇവിടെ ഒരു പാഴ്സല് അയയ്ക്കാന് ഉണ്ടായിരുന്നു.."
സൈനികന്: എന്ത് പാഴ്സല്? എനിക്കത് ഇവിടെ നിന്ന് അയയ്ക്കാന് കഴിയില്ല അമ്മേ..
അമ്മ: എന്താണ് നീയീ പറയുന്നത്? നിനക്ക് എന്താണ് പറ്റിയത്?
സൈനികന്: അമ്മേ ഞാന് യുക്രൈനിലാണ്, ഘോര യുദ്ധമാണ് ഇവിടെ നടക്കുന്നത്. ഞങ്ങള് ഇവിടുത്തെ സിവിലിയന്സിനെ പോലും വെറുതെ വിടുന്നില്ല. എല്ലാ നഗരങ്ങളിലും ഒരുമിച്ച് ബോംബിട്ടുകൊണ്ടിരിക്കുകയാണ്. സാധാരണക്കാര് ഞങ്ങളുടെ ടാങ്കിന്റെ ടയറുകള്ക്കിടയിലേക്ക് വന്നുവീഴുകയാണ്. അവര് ഞങ്ങളെ ഫാസിസ്റ്റുകള് എന്ന് വിളിക്കുകയാണ്. അതി കഠിനവും ദുഖകരവുമാണ് അമ്മേ ഇവിടുത്തെ സ്ഥിതി.
മരണപ്പെടുന്നതിന് തൊട്ടുമുന്പ് ഒരു റഷ്യന് പട്ടാളക്കാരന് തന്റെ അമ്മയ്ക്ക് അയച്ച സന്ദേശത്തില് പറഞ്ഞ വാക്കുകളാണിത്. യുക്രൈനിലെ റഷ്യന് ആക്രമത്തിന്റെ രൂക്ഷതയും മനുഷ്യത്വരാഹിത്യവും വെളിപ്പെടുത്തുന്ന ഈ അമ്മ /മകന് സംഭാഷണം യുക്രൈനിലെ യു എന് അംബാസിഡര് സെര്ജി കിസ് ലിയാണ് പുറത്തുവിട്ടത്. യു എന് ജനറല് അസംബ്ലിയില് സംസാരിക്കവേ മകന് അമ്മയ്ക്കയച്ച സന്ദേശത്തിന്റെ സ്ക്രീന് ഷോട്ട് അദ്ദേഹം ഉയര്ത്തിപ്പിടിച്ചു. അതേസമയം സന്ദേശമയച്ച റഷ്യന് പട്ടാളക്കാരന്റെ മറ്റുവിവരങ്ങള് വെളിപെടുത്താന് യുക്രൈനിലെ യു എന് അംബാസിഡര് തയാറായില്ല.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക