ചെന്നൈ: തമിഴ് ജനതയുടെ ദേശസ്നേഹത്തിന് നരേന്ദ്രമോദിയുടെ സര്ട്ടിഫിക്കറ്റ് ആവശ്യമില്ലെന്ന് തമിഴ്നാട് മുഖ്യമന്ത്രി എം കെ സ്റ്റാലിന്. ബിജെപിക്കെതിരായ വിമര്ശനങ്ങളെ രാജ്യത്തിനെതിരായ വിമര്ശനങ്ങളാക്കി ചിത്രീകരിക്കാനാണ് മോദി സര്ക്കാര് ശ്രമിക്കുന്നതെന്നും സ്വാതന്ത്ര്യസമര പോരാളികളെ എന്നും ആദരിക്കുകയും അവരുടെ സംഭാവനകളെ ബഹുമാനിക്കുകയും ചെയ്യുന്നവരാണ് തമിഴ് ജനതയെന്നും എം കെ സ്റ്റാലിന് പറഞ്ഞു. തമിഴ്നാട് തദ്ദേശ തെരഞ്ഞെടുപ്പ് പ്രചാരണത്തിനിടെയായിരുന്നു സ്റ്റാലിന്റെ പ്രതികരണം.
'ബിജെപിക്കെതിരായ വിമര്ശനത്തെ പ്രധാനമന്ത്രി ഇന്ത്യക്കെതിരായ വിമര്ശനമാക്കി മാറ്റുകയാണ്. വേലുനാച്ചിയാരെയും സുബ്രമണ്യ ഭാരതിയെയും വീരപാണ്ഡ്യ കട്ടബൊമ്മനെയും ഉള്പ്പെടുത്തിയ തമിഴ്നാടിന്റെ റിപ്പബ്ലിക് ദിന ടാബ്ലോ ആരാണ് ഒഴിവാക്കിയതെന്ന് വെളിപ്പെടുത്തണം. മോദി പ്രസംഗത്തില് ഭാരതിയാറുടെ വാക്കുകള് ഉള്പ്പെടുത്താറുണ്ട്. പക്ഷേ അദ്ദേഹത്തിന്റെ നിശ്ചലദൃശ്യത്തെ ഒഴിവാക്കി. രാജ്യത്തിനുവേണ്ടി ത്യാഗം സഹിച്ച പോരാളികളെ ആദരിക്കുന്നതില് തമിഴ്നാട് ഒരിക്കലും വീഴ്ച്ച വരുത്തിയിട്ടില്ല. തമിഴരുടെ രാജ്യസ്നേഹത്തിന് മോദിയുടെ സര്ട്ടിഫിക്കറ്റ് ആവശ്യമില്ല. തമിഴ്നാട് രാജ്യത്തെ എല്ലാ ജനങ്ങളെയും ഒന്നായി കാണുന്നവരാണ്'-സ്റ്റാലിന് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക