ബംഗളുരു: അല്ലു അര്ജുന് ചന്ദനകടത്തുകാരനായി അഭിനയിച്ച പുഷ്പ കണ്ട് പ്രചോദനം ഉള്ക്കൊണ്ട് രക്തചന്ദനം കടത്താന് ശ്രമിച്ചയാള് അറസ്റ്റില്. ബംഗളുരു സ്വദേശിയായ യാസിന് ഇനായത്തുളള എന്നയാളാണ് അറസ്റ്റിലായത്. കര്ണാടകയില് നിന്ന് ചന്ദനം മഹാരാഷ്ട്രയിലേക്ക് കടത്തുന്നതിനിടെയാണ് ഇയാളെ പൊലീസ് പിടികൂടിയത്. 2.45 കോടി രൂപ വിലമതിക്കുന്ന രക്തചന്ദനമാണ് ഇയാള് ഓടിച്ച ട്രക്കില് നിന്നും കണ്ടെടുത്തത്.
പുഷ്മ കണ്ട് പ്രചോദനമുള്ക്കൊണ്ടാണ് ഇയാള് രക്തചന്ദനം കടത്താന് ശ്രമിച്ചതെന്നാണ് പൊലീസ് പറയുന്നത്. ട്രക്കില് ചന്ദനം കയറ്റിയതിനുശേഷം അതിനുമുകളില് പച്ചക്കറികളും പഴങ്ങളും നിറച്ച പെട്ടികള് അടുക്കിവെച്ച്, വാഹനത്തിനുമുകളില് കൊവിഡ് അവശ്യവസ്തുക്കള് എന്നെഴുതിയ സ്റ്റിക്കറും ഒട്ടിച്ചായിരുന്നു ഇയാള് ചന്ദനത്തടി കടത്താന് ശ്രമിച്ചത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
സുകുമാര് സംവിധാനം ചെയ്ത പുഷ്പ തിയറ്ററുകളില് ഗംഭീര വരവേല്പ്പാണ് ലഭിച്ചത്. ചിത്രത്തില് രക്തചന്ദനം കടത്തുന്ന പുഷ്പരാജ് എന്ന കളളക്കടത്തുകാരനായാണ് അല്ലു അര്ജുന് വേഷമിട്ടത്. രശ്മിക മന്ദാന, ജഗദീഷ് പ്രതാപ് ഭണ്ഡാരി, സുനില്, റാവു രമേഷ് തുടങ്ങിയ അഭിനേതാക്കളും വേഷമിട്ടിരുന്നു. മലയാളത്തിന്റെ പ്രിയനടന് ഫഹദ് ഫാസിലാണ് ചിത്രത്തില് വില്ലന് കഥാപാത്രത്തെ അവതരിപ്പിച്ചത്.