വയറിലെ കൊഴുപ്പ് കുറയും, ഇക്കാര്യങ്ങള്‍ ശ്രദ്ധിച്ചാല്‍

അമിതഭാരം കുറയ്ക്കാൻ ആഗ്രഹിക്കുന്ന എല്ലാവരുടേയും പ്രധാന ലക്ഷ്യമാണ് വയറിലെ കൊഴുപ്പ് കുറയ്ക്കുക എന്നത്. മദ്ധ്യവയസ്കരായ സ്ത്രീകളില്‍ വയറ്റിലെ കൊഴുപ്പ് കൂടുന്ന പ്രത്യേക പ്രതിഭാസം തന്നെയുണ്ട്. 40 വയസ്സിനു ശേഷം, പല സ്ത്രീകളിലും ശരീരത്തിലെ കൊഴുപ്പ് അടിവയറ്റിലേക്കും അരക്കെട്ടിലേക്കും മാറുന്ന പ്രവണത കാണിക്കുന്നു, ഇതിനെ വയറിലെ കൊഴുപ്പ് (belly fat) എന്നാണ് വിളിക്കുക. എത്ര ഡയറ്റ് ചെയ്താലും വയറിലെ കൊഴുപ്പ് കുറയുന്നില്ലെന്നതാണ് മദ്ധ്യവയസ്കരായ സ്ത്രീകള്‍ നേരിടുന്ന ഏറ്റവും വലിയ പ്രതിസന്ധി. അത്തരത്തില്‍ വയറിലെ കൊഴുപ്പ് കുറയ്ക്കാൻ ആഗ്രഹിക്കുന്നവര്‍ ശ്രദ്ധിക്കേണ്ട ചില കാര്യങ്ങള്‍ എന്തൊക്കെയാണെന്ന് നോക്കാം...

ജീവിത ശൈലിയാണ് വില്ലന്‍

ആരോഗ്യകരമായ ജീവിതശൈലി പിന്തുടരുക എന്നതാണ് ഏറ്റവും പ്രധാനം. കൊഴുപ്പും കാര്‍ബോഹൈട്രേറ്റും പഞ്ചസാരയും അടങ്ങിയ ഭക്ഷണങ്ങള്‍ ഒഴിവാക്കുകയും പ്രോട്ടീന്‍ കൂടുതലും കലോറി കുറഞ്ഞതുമായ ഭക്ഷണങ്ങള്‍ ഡയറ്റില്‍ ഉള്‍പ്പെടുത്തുകയും ചെയ്താല്‍ തന്നെ വ്യത്യാസം കാണാന്‍ കഴിയും. ഇതിനായി പച്ചക്കറികള്‍, പഴങ്ങള്‍ എന്നിവ ഡയറ്റിന്‍റെ ഭാഗമാക്കാം. 

ഭക്ഷണം ഒഴിവാക്കുന്നതാണ് മണ്ടത്തരം

വയര്‍ കുറയ്ക്കാനായി ഒരിക്കലും ഭക്ഷണം ഒഴിവാക്കരുത്. അത് ശരീരഭാരം കുറയ്ക്കാന്‍ സഹായിക്കില്ലെന്ന് മാത്രമല്ല, ഭക്ഷണം ഒഴിവാക്കുന്നത് വിശപ്പ് കൂട്ടാനും അതുവഴി വണ്ണം കൂടാനും കാരണമാകും. അതുകൊണ്ട് ആഹാരം മിതമായി കഴിക്കണം. അലിയുന്ന നാരുകൾ ധാരാളം അടങ്ങിയ ഭക്ഷണം കഴിക്കണം. വെള്ളത്തെയും മറ്റും വലിച്ചെടുത്ത് ഭക്ഷണം ദഹിക്കുന്നതിന്റെ വേഗത കുറയ്ക്കും. മധുരം കൂടുതൽ കഴിക്കരുത്. വെള്ളം കുടിക്കുന്നതും ശരീരഭാരം നിയന്ത്രിക്കുന്നതും തമ്മിൽ ബന്ധമുണ്ട്. വെള്ളം ധാരാളം കുടിക്കുന്നത് വിശപ്പ് കുറയ്ക്കാന്‍ സഹായിക്കും. അതുവഴി വണ്ണം കുറയ്ക്കാന്‍ സാധിക്കും.  ശരീരത്തിന്‍റെ മൊത്തം ആരോഗ്യത്തിനും വെള്ളം കുടിക്കുന്നത് നല്ലതാണ്.

നടന്നു നടന്നു നടന്ന് കുറയ്ക്കാം

നിങ്ങൾ ആഴ്ചയിൽ മൂന്ന് ദിവസം 50-70 മിനിറ്റ് നടക്കുകയാണെങ്കിൽ, അത് നിങ്ങളുടെ ലക്ഷ്യത്തിലേക്ക് എത്തിയ്ക്കുമെന്ന് വിദഗ്ധർ അഭിപ്രായപ്പെടുന്നു. വയറിലെ ഒളിഞ്ഞിരിക്കുന്ന കൊഴുപ്പുകള്‍ മാത്രമല്ല, ചർമ്മത്തിന് താഴെയുള്ള കൊഴുപ്പും കുറയും.

മുസിരിസ് പോസ്റ്റിനെ ടെലഗ്രാംവാട്‌സാപ്പ് എന്നിവയിലൂടേയും  ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

Contact the author

Web Desk

Recent Posts

Web Desk 1 month ago
Health

ആഴ്ച്ചയില്‍ രണ്ടുദിവസം മാത്രം വ്യായാമം ചെയ്തും തടി കുറയ്ക്കാം- പഠനം

More
More
Web Desk 2 months ago
Health

മധുരം കഴിക്കുന്ന ശീലം കുറയ്ക്കണോ? ; ഈ വഴികള്‍ പരീക്ഷിച്ചുനോക്കൂ

More
More
Web Desk 7 months ago
Health

മിത്താണ് യൂനാനി, ശാസ്ത്രമേയല്ല; സിദ്ദിഖിന്റെ മരണത്തിൽ പ്രതികരിച്ച് ഡോ. സുൽഫി നൂഹു

More
More
International 10 months ago
Health

അമിത മദ്യാസക്തര്‍ക്ക് ചിപ്പ് ചികിത്സ

More
More
Web Desk 11 months ago
Health

ഫ്രഞ്ച് ഫ്രൈസ് അമിതമായി കഴിക്കുന്നത് വിഷാദത്തിനും പൊണ്ണത്തടിക്കും കാരണമാകും - റിപ്പോര്‍ട്ട്‌

More
More
Web Desk 1 year ago
Health

ഓര്‍മശക്തി വര്‍ധിപ്പിക്കാന്‍ ഇക്കാര്യങ്ങള്‍ ചെയ്യാം!

More
More