ലക്നൌ: സമാജ് വാദി പാര്ട്ടി നേതാവ് അഖിലേഷ് യാദവിനെതിരെ രൂക്ഷവിമര്ശനവുമായി ഭീം ആദ്മി പാര്ട്ടി അദ്ധ്യക്ഷനും പ്രമുഖ ദളിത് നേതാവുമായ ചന്ദ്രശേഖര് ആസാദ്. കഴിഞ്ഞ ഒരുമാസത്തിലധികമായ സഖ്യത്തിനുള്ള തന്റെ ശ്രമങ്ങള് പരാജയപ്പെടാന് കാരണം അഖിലേഷിന്റെ ദളിത് വിഷയങ്ങളിലുള്ള മൌനമാണ് എന്ന് ചന്ദ്രശേഖര് ആസാദ് ആരോപിച്ചു. സാമൂഹ്യ നീതിയെ കുറിച്ച് അദ്ദേഹത്തിന് ഒരു നിലപാടുമില്ല. ബഹുജന് സമാജില് പെട്ടവരെ അഖിലേഷ് അപമാനിക്കുകയാണ് ചെയ്തത്. അതുകൊണ്ടുതന്നെ സമാജ് വാദി പാര്ട്ടിയുമായി തെരഞ്ഞടുപ്പ് സഖ്യത്തിനില്ലെന്നും ആസാദ് പ്രഖ്യാപിച്ചു.
സമാജ് വാദി പാര്ട്ടിയുമായി തെരഞ്ഞടുപ്പ് സഖ്യത്തിലെര്പ്പെടുമെന്ന പ്രഖ്യാപനത്തിന് ശേഷം നടത്തിയ വാര്ത്താസമ്മേളനത്തിലാണ് മുന് പഖ്യാപനം തള്ളിക്കൊണ്ടുള്ള ഭീം ആദ്മി പാര്ട്ടി അദ്ധ്യക്ഷന്റെ പ്രസ്താവന. അഖിലേഷ് യാദവിന് ദളിതരെയല്ല അവരുടെ വോട്ടുമാത്രമാണ് ആവശ്യം. എന്നാല് തന്റെ പ്രവര്ത്തനവും പരിശ്രമവും സാമൂഹ്യ നീതിക്ക് വേണ്ടിയുള്ളതാണ്. അതിന് പ്രതിപക്ഷത്തുള്ള എലാ കക്ഷികളുടെയും ഏകോപനമാണ് ലക്ഷ്യം വെയ്ക്കുന്നത്. അത് സാധ്യമായില്ലെങ്കില് ഒറ്റയ്ക്ക് പോരാടുമെന്നും ചന്ദ്രശേഖര് ആസാദ് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, ഉത്തര്പ്രദേശില് കോണ്ഗ്രസ്, ബി സ് പി തുടങ്ങിയ വലിയ കക്ഷികളുമായി തെരഞ്ഞെടുപ്പ് സഖ്യമുണ്ടാക്കാതെ ചെറുകക്ഷികളുമായി ചേര്ന്ന് വിശാല സഖ്യം ഉണ്ടാക്കാനാണ് അഖിലേഷ് യാദവ് ശ്രമിക്കുന്നത്. ആര് എല് ഡി, എസ് ബി എസ് പി, ജന്വാദി പാര്ട്ടി, അപ്നാ ദള്, മഹന് ദള്, പി എസ് പി- എല് തുടങ്ങിയ പാര്ട്ടികളാണ് സഖ്യത്തിലുള്ളത്. അതോടൊപ്പം സിപിഎം, എന് സി പി തുടങ്ങിയ ദേശീയ പാര്ട്ടികളും അഖിലേഷിനൊപ്പമാണ് എന്ന് പ്രഖ്യാപിച്ചിട്ടുണ്ട്.