തിരുവനന്തപുരം: ആലപ്പുഴയില് എസ് ടി പി ഐ, ബിജെപി പ്രവര്ത്തകർ കൊല ചെയ്യപ്പെട്ട സംഭവത്തില് സംസ്ഥാന സര്ക്കാരിനെ രൂക്ഷമായി വിമര്ശിച്ച് ബിജെപി എം പി സുബ്രമണ്യന് സ്വാമി. സംസ്ഥാനത്തെ ക്രമസമാധാന നില ആകെ തകര്ന്ന നിലയിലാണെന്നും പിണറായി സര്ക്കാരിനെ പിരിച്ചുവിടാന് ആഭ്യന്തര മന്ത്രി അമിത് ഷാ തയാറാകണമെന്നും സുബ്രമണ്യന് സ്വാമി പറഞ്ഞു. പോപ്പുലര് ഫ്രണ്ട് പോലുളള സംഘടനകളെ നിരോധിക്കണം. ഇസ്ലാമിക വത്കരണമാണ് അവരുടെ ലക്ഷ്യം. അതിന് അവര് പാക്കിസ്ഥാനിലേക്ക് പോകുന്നതാണ് നല്ലത് എന്നും സുബ്രമണ്യന് സ്വാമി പറഞ്ഞു. പാലക്കാട് മാധ്യമപ്രവര്ത്തകരോട് സംസാരിക്കുകയായിരുന്നു അദ്ദേഹം.
അതേസമയം, ആലപ്പുഴയിലെ ബിജെപി, എസ്ഡിപിഐ നേതാക്കളുടെ കൊലപാതകത്തെ ശക്തമായി അപലപിച്ച് മുഖ്യമന്ത്രി പിണറായി വിജയന് രംഗത്തെത്തിയിരുന്നു. കുറ്റവാളികളെയും പിന്നിൽ പ്രവർത്തിച്ചവരെയും പിടികൂടാൻ പൊലീസിൻ്റെ കർശന നടപടിയുണ്ടാകുമെന്നും സങ്കുചിതവും മനുഷ്യത്വഹീനവുമായ ഇത്തരം അക്രമ പ്രവർത്തനങ്ങൾ നാടിന് വിപത്താണെന്നുമാണ് മുഖ്യമന്ത്രി പറഞ്ഞത്. കൊലയാളി സംഘങ്ങളെയും അവരുടെ വിദ്വേഷ സമീപനങ്ങളെയും തിരിച്ചറിഞ്ഞ് ഒറ്റപ്പെടുത്താൻ എല്ലാ ജനങ്ങളും തയാറാകും എന്നുറപ്പുണ്ടെന്നും അദ്ദേഹം ഫേസ്ബുക്കില് കുറിച്ചിരുന്നു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
12 മണിക്കൂര് ഇടവേളയിലാണ് ബിജെപിയുടെയും എസ്ഡിപിഐയുടെയും രണ്ട് സംസ്ഥാന നേതാക്കള് ആലപ്പുഴയില് ദാരുണമായി കൊല്ലപ്പെട്ടത്. എസ് ഡി പി ഐ സംസ്ഥാന സെക്രട്ടറി കെ എസ് ഷാനെ കാറിലെത്തിയ സംഘമാണ് വെട്ടിക്കൊലപ്പെടുത്തിയത്. രഞ്ജിത് ശ്രീനിവാസനെ ഒരുസംഘം ആളുകള് വീട്ടില്ക്കയറിയാണ് വെട്ടിക്കൊന്നത്. കൊലപാതകങ്ങളെ തുടര്ന്ന് ആലപ്പുഴയില് നിരോധനാജ്ഞ ഏര്പ്പെടുത്തിയിട്ടുണ്ട്.