ചെന്നൈ: 'തമിഴ് തായ് വാഴ്ത്ത്' ഗാനത്തെ സംസ്ഥാന ഗാനമായി പ്രഖ്യാപിച്ച് തമിഴ്നാട് സര്ക്കാര്. തമിഴ് തായ് വാഴ്ത്ത് ഒരു ഭക്തിഗാനം മാത്രമാണെന്നും ഗാനം ആലപിക്കുമ്പോള് എല്ലാവരും എഴുന്നേറ്റ് നില്ക്കേണ്ട ആവശ്യമില്ലെന്നും മദ്രാസ് ഹൈക്കോടതി കഴിഞ്ഞ ദിവസം പറഞ്ഞിരുന്നു. അതിനുപിന്നാലെയാണ് തമിഴ് തായ് വാഴ്ത്ത് സംസ്ഥാന ഗാനമാക്കാനുളള തമിഴ്നാട് സര്ക്കാരിന്റെ തീരുമാനം. സംസ്ഥാനത്തെ വിദ്യാഭ്യാസ സ്ഥാപനങ്ങളിലും സര്ക്കാര് ഓഫീസുകളിലും പൊതുമേഖലാ സ്ഥാപനങ്ങളിലും പൊതുപരിപാടികളിലുമെല്ലാം ഇനിമുതല് സംസ്ഥാന ഗാനം ആലപിക്കുമെന്നും തമിഴ്നാട് സര്ക്കാര് അറിയിച്ചു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
55 സെക്കന്ഡ് ദൈര്ഘ്യമുളള ഗാനം ആലപിക്കുന്ന സമയം ഭിന്നശേഷിക്കാരൊഴികെ എല്ലാവരും ബഹുമാനസൂചകമായി എഴുന്നേറ്റ് നില്ക്കണമെന്ന് മുഖ്യമന്ത്രി എം കെ സ്റ്റാലിന് പറഞ്ഞു. 2018-ല് കാഞ്ചി കാമകോടി പീഠത്തിന്റെ മഠാധിപതി ശ്രീ വിജയേന്ദ്ര സരസ്വതി സ്വാമികള് തമിഴ് തായ് വാഴ്ത്ത് ആലപിക്കുമ്പോള് എഴുന്നേറ്റ് നില്ക്കാതിരുന്നതുമായി ബന്ധപ്പെട്ട കേസ് അടുത്തിടെയാണ് മദ്രാസ് ഹൈക്കോടതി പരിഗണിച്ചത്. തമിഴ് തായ് വാഴ്ത്ത് പാട്ട് ഒരു ഭക്തിഗാനമാണ് അല്ലാതെ ദേശീയ ഗാനമല്ല. അതിനാല് ഗാനം ആലപിക്കുമ്പോള് എല്ലാവരും എഴുന്നേറ്റുനില്ക്കേണ്ടതില്ലെന്നാണ് അന്ന് ജസ്റ്റിസ് ജസ്റ്റിസ് ജി ആര് സ്വാമിനാഥന് പറഞ്ഞത്.