സൗദിക്ക് പിന്നാലെ യു എ ഇയിലും അമേരിക്കയിലും ഒമൈക്രോണ്‍ സ്ഥിരീകരിച്ചു

വാഷിംഗ്‌ടണ്‍: സൗദിക്ക് പിന്നാലെ യു എ ഇയിലും അമേരിക്കയിലും കൊവിഡ് വകഭേദമായ ഒമൈക്രോണ്‍ സ്ഥിരീകരിച്ചു. യു എ ഇയിലെത്തിയ ആഫ്രിക്കന്‍ വനിതയിലാണ് വൈറസ് ബാധ കണ്ടെത്തിയത്. ഇവരെ പരിശോധനക്ക് ശേഷം ഐസൊലേറ്റ് ചെയ്തതായും രാജ്യത്ത് കൊവിഡ് പരിശോധന കര്‍ശനമാക്കിയിട്ടുണ്ടെന്നും അതികൃതര്‍ പറഞ്ഞു. അമേരിക്കയിൽ കാലിഫോർണിയയിൽ നവംബർ 22-ന് എത്തിയ ആഫ്രിക്കൻ സ്വദേശിയിലാണ് ഒമൈക്രോണ്‍ സാന്നിധ്യം കണ്ടെത്തിയത്. നവംബര്‍ 29 നാണ് ഇയാൾക്ക് കൊവിഡ് സ്ഥിരീകരിച്ചത്. 

ഒമൈക്രോണ്‍ സ്ഥിരികരിച്ചവരുമായി സമ്പര്‍ക്കമുള്ളവരെ നിരീക്ഷണത്തിലാക്കിയിരിക്കുകയാണെന്നും ഏത് സാഹചര്യവും നേരിടാൻ ആരോഗ്യരംഗം തയ്യാറാണെന്നും ബൂസ്​റ്റർ ഡോസ്​ ഉൾപ്പെടെ എല്ലാവരും വാക്​സിനെടുക്കണമെന്നും ഇരു രാജ്യങ്ങളുടെയും ആരോഗ്യ, രോഗപ്രതിരോധ മന്ത്രാലയം അറിയിച്ചു. നേരത്തെ സൗദി അറേബ്യയിൽ ഒമൈക്രോണ്‍ വൈറസ് സ്ഥിരീകരിച്ചിരുന്നു. ആഫ്രിക്കയിൽ  നിന്നെത്തിയ സൗദി പൗരനിലാണ് വൈറസ് ബാധ കണ്ടെത്തിയത്. 

മുസിരിസ് പോസ്റ്റിനെ ടെലഗ്രാംവാട്‌സാപ്പ് എന്നിവയിലൂടേയും  ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

അതേസമയം, ഒമൈക്രോണ്‍ വകഭേദത്തിനെതിരെ വാക്സിന്‍ ഫലപ്രദമാണെന്ന് ഇസ്രയേല്‍ ആരോഗ്യമന്ത്രാലയം വ്യകതമാക്കി. നിലവില്‍ ഉപയോഗിക്കുന്ന വാക്സിന്‍ പുതിയ വകഭേദത്തിന് ഉപകാരപ്രദമല്ലെന്ന മോഡേണ കമ്പനിയുടെ വാദത്തെ തള്ളിയാണ് ഇസ്രയേല്‍ രംഗത്തെത്തിയത്. ഡെല്‍റ്റ വകഭേദവുമായി താരതമ്യം ചെയ്യുമ്പോള്‍ രണ്ട് ഇരട്ടിയോളം പകര്‍ച്ചാശേഷിയുള്ള വൈറസ് ആണ് ഒമൈക്രോണെന്നും ഇസ്രയേല്‍ ഗവേഷകര്‍ അഭിപ്രായപ്പെട്ടു. എന്നാല്‍ മൂന്നാം ഡോസ് വാക്സിന്‍ നൽകണമെന്ന് ലോകാരോഗ്യ സംഘടന ഔദ്യോഗികമായി തീരുമാനിച്ചിട്ടില്ല. ചില രാജ്യങ്ങൾ ഇതിനകം തന്നെ ബൂസ്റ്റർ ഡോസ് നൽകിത്തുടങ്ങി. ഇസ്രയേലാണ് ഇക്കാര്യത്തിൽ ഏറ്റവും മുന്നില്‍ നില്‍ക്കുന്നത്. 

Contact the author

Internaional Desk

Recent Posts

International

വൈദികര്‍ ആത്മപരിശോധന നടത്തണം, കാപട്യം വെടിയണം- മാര്‍പാപ്പ

More
More
International

മഴനികുതി ഏര്‍പ്പെടുത്താനൊരുങ്ങി ടൊറന്റോ; പ്രതിഷേധം ശക്തം

More
More
International

ചരിത്രത്തിലാദ്യമായി മിസ് യൂണിവേഴ്‌സ് മത്സരത്തില്‍ പങ്കെടുക്കാൻ അനുമതി നൽകി സൗദി അറേബ്യ

More
More
International

യുഎസിൽ ചരക്കുകപ്പലിടിച്ച് കൂറ്റന്‍ പാലം തകര്‍ന്നു

More
More
International

യുഎന്‍ രക്ഷാസമിതി ഗാസ വെടിനിര്‍ത്തല്‍ പ്രമേയം പാസാക്കി; അമേരിക്ക വിട്ടുനിന്നു

More
More
International

റിയാദില്‍ ലോകത്തിലെ ആദ്യ 'ഡ്രാഗണ്‍ ബാള്‍ തീം പാര്‍ക്ക്' ഒരുങ്ങുന്നു

More
More