മയോനിസ് തീറ്റക്കാർ അറിയാൻ
90 കളുടെ അവസാനത്തോടെ അറേബ്യൻ ഭക്ഷണങ്ങള് കേരളത്തിൽ വ്യാപകമായതോടെയാണ് മയോണനിസും മലയാളികുടെ തീൻ മേശയിലെത്തിയത്. ഷവർമ, അൽഫഹം, ഷവായ, സാൻവിച്ച്, ബർഗർ കുഴിമന്തി തന്തൂർ തുടങ്ങിയ വിഭവങ്ങൾക്ക് ഒപ്പമാണ് പ്രധാനമായും മയോനിസ് വിളമ്പുന്നത്. അമേരിക്കൻ, മെക്സിക്കൻ ഇറ്റാലിയൻ വിഭവങ്ങൾക്കും മയോനിസ് കൂടിയേതീരു.
എന്താണ് മയോനിസ്?
എണ്ണ, മുട്ടയുടെ വെള്ള, വിനാഗിരി അല്ലെങ്കിൽ നാരങ്ങാ നീര് എന്നിവയുടെ മിശ്രിതമാണ് മയോനിസ്. മണവും രുചിയും കൊണ്ട് നമ്മെ കീഴ്പ്പെടുത്തുന്ന ഈ കുഴമ്പ് രൂപത്തിലുള്ള മിശ്രിതത്തിൽ ഉപ്പും, കുരുമുളകും,വെളുത്തുള്ളിയും, മറ്റ് സുഗന്ധദ്രവ്യങ്ങളും ചേർക്കാറുണ്ട്.
മയോനിസ് അപകടകാരിയോ?
മുട്ടയുടെ വെള്ള, എണ്ണ, എന്നിവയുടെ മിശ്രിതം കുഴമ്പ് രൂപമാകും വരെ മിക്സിയിൽ അടിച്ചാണ് മയോനിസ് സാധാരണയായി ഉണ്ടാക്കുന്നത്. നിർമാണത്തിലോ , സൂക്ഷിക്കുന്നതിലോ പിഴച്ചാൽ മാരക ബാക്റ്റീരിയ മയോനിസിലെത്തും. വീട്ടിൽ ഉണ്ടാക്കുന്ന മയോണിസ് അപകടകാരിയാകാനുള്ള സാധ്യതയേറെയാണ്.
വാണിജ്യാടിസ്ഥാനത്തിൽ നിർമിക്കുന്നവയിൽ പ്രിസർവേറ്റീവ്സും മറ്റും ചേർത്താണ് ബാക്റ്റീരിയയെ പ്രതിരോധിക്കുന്നത്. എണ്ണയുടെ അമിത ഉപയോഗം കൊണ്ട് ഫാറ്റ് ആണ് മയോനിസിലെ പ്രധാന ഘടകം. ഒരു സ്പൂൺ മയോനിസിൽ ഏകദേശം 94 കലോറിയാണുള്ളത്. ഫാറ്റിന്റെ കലവറയായതിനാൽ കൊളസ്ട്രോൾ, ഷുഗർ, അമിത വണ്ണം എന്നിവ കൊണ്ട് ബുദ്ധിമുട്ടുന്നവർ മയോനിസ് ഒരു കാരണവശാലും കഴിക്കരുത്. അതു കൊണ്ട്തന്നെ മയോനിസ് ആരോഗ്യത്തിന് ഒട്ടും നല്ലതല്ലെന്ന് നിസ്സംശയം പറയാം