ഡല്‍ഹി: വരാനിരിക്കുന്ന ഉത്തര്‍പ്രദേശ് തെരഞ്ഞെടുപ്പില്‍ കോണ്‍ഗ്രസിന്റെ നാല്‍പ്പത് ശതമാനം സീറ്റുകളില്‍ വനിതാ സ്ഥാനാര്‍ത്ഥികള്‍ മത്സരിക്കുമെന്ന് കോണ്‍ഗ്രസ് നേതാവ് പ്രിയങ്കാ ഗാന്ധി. കൂടുതല്‍ സ്ത്രീകള്‍ രാഷ്ട്രീയത്തിലേക്ക് കടന്നുവരണമെന്ന് പ്രിയങ്കാ ഗാന്ധി ആവശ്യപ്പെട്ടു. ഉത്തര്‍പ്രദേശില്‍ സ്ത്രീകള്‍ക്ക് തുല്യ അവകാശങ്ങളും അവസരങ്ങളും ലഭിക്കുന്നുണ്ടെന്ന് ഉറപ്പുവരുത്തുമെന്നും പ്രിയങ്ക പറഞ്ഞു. ലക്‌നൗവില്‍ മാധ്യമപ്രവര്‍ത്തകരോട് സംസാരിക്കുകയായിരുന്നു പ്രിയങ്ക.
'ഈ തീരുമാനം ചന്ദോലിയിലെയും ഉന്നാവിലെയും ലക്‌നൗവിലെയുമെല്ലാം മക്കള്‍ക്കുവേണ്ടിയാണ്. ഹോസ്റ്റലുകളിലും കാമ്പസിലും സ്ത്രീക്കും പുരുഷനും വ്യത്യസ്ത നിയമമാണെന്ന് പറഞ്ഞ വിദ്യാര്‍ത്ഥികള്‍ക്കുവേണ്ടിയാണ്, തന്റെ ഗ്രാമത്തില്‍ സ്‌കൂളില്ലെന്ന് പറഞ്ഞ യുവതിക്കുവേണ്ടിയാണ്. മാറ്റമാഗ്രഹിക്കുന്ന ഉത്തര്‍പ്രദേശിലെ ഓരോ സ്ത്രീകള്‍ക്കും വേണ്ടിയാണ്' പ്രിയങ്കാ ഗാന്ധി പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ഉത്തര്‍പ്രദേശില്‍ നിയമസഭാ തെരഞ്ഞെടുപ്പ് അടുത്ത വര്‍ഷമാണ് നടക്കുക. 403- അംഗ നിയമസഭയാണ് ഉത്തര്‍പ്രദേശിലേത്. 2017-ല്‍ നടന്ന തെരഞ്ഞെടുപ്പില്‍ കോണ്‍ഗ്രസിന് 117 സീറ്റുകള്‍ മാത്രമാണ് നേടാന്‍ സാധിച്ചത്.
