പകര്‍ച്ചവ്യാധികള്‍ ശക്തമായി പ്രതിരോധിക്കാന്‍ സര്‍ക്കാര്‍ ഓര്‍ഡിനന്‍സ് കൊണ്ടുവരുന്നു

തിരുവനന്തപുരം: കോറോണാ വ്യാപനത്തിന്‍റെ പശ്ചാത്തലത്തില്‍ പകര്‍ച്ചവ്യാധികളെ ഫലപ്രദമായി തടയാന്‍ ഓര്‍ഡിനന്‍സ് കൊണ്ടുവരാന്‍ സംസ്ഥാന മന്ത്രിസഭായോഗം തീരുമാനിച്ചു. അതിശക്തമായ സാമൂഹ്യ നിയന്ത്രണങ്ങള്‍ ആവശ്യം വേണ്ട സന്ദര്‍ഭങ്ങളില്‍ അത് നടപ്പിലാക്കുന്നതിന്‌ സര്‍ക്കാരിനു മുന്നില്‍ വന്നുചേരുന്ന നിയമപരമായ തടസ്സങ്ങള്‍ ഒഴിവാക്കുകയാണ്  ഓര്‍ഡിനന്‍സ് കൊണ്ടുദ്ദേശിക്കുന്നത്. ഇതുസംബന്ധിച്ച് ഗവര്‍ണ്ണര്‍ ആരിഫ് മുഹമ്മദ് ഖാനോട് ശുപാര്‍ശ നടത്താനാണ് മന്ത്രിസഭ തീരുമാനിച്ചിരിക്കുന്നത്. കേരളാ എപ്പിടെമിക് ഡിസീസ് ഓര്‍ഡിനന്‍സ് - 2020 എന്ന പേരിലാണ്  ഓര്‍ഡിനന്‍സ് കൊണ്ടുവരുന്നത്.

സ്വാതന്ത്ര്യപൂര്‍വകാലത്ത് ഐക്യകേരളം രൂപമെടുക്കുന്നതിന് മുന്‍പ് തിരുവിതാംകൂറില്‍ 'ട്രാവന്‍കൂര്‍ എപ്പിടെമിക് ഡിസീസ് ആക്റ്റ് എന്ന പേരിലും കൊച്ചി സംസ്ഥാനത്ത് കൊച്ചിന്‍ എപ്പിടെമിക് ഡിസീസ് ആക്റ്റ് എന്ന പേരിലും നിലവിലുണ്ടായിരുന്ന പകര്‍ച്ച വ്യാധി പ്രതിരോധ നിയമങ്ങളുടെ പരിധിയില്‍ പക്ഷെ മലബാര്‍ ഉള്‍പ്പെട്ടിരുന്നില്ല. ഈ രണ്ട് ആക്റ്റുകളും റദ്ദാക്കിയാണ് പുതിയ ഓര്‍ഡിനന്‍സ് ആയ കേരളാ എപ്പിടെമിക് ഡിസീസ് ഓര്‍ഡിനന്‍സ് - 2020 കൊണ്ടുവരുന്നത്.

പകര്‍ച്ചവ്യാധികളുടെ വ്യാപനം തടയുന്നതിന് കര്‍ശന നടപടികള്‍ സ്വീകരിക്കാനുള്ള നിയമപരമായ അധികാരത്തെ അരക്കിട്ടുരപ്പിക്കുകയാണ് ഓര്‍ഡിനന്‍സ് കൊണ്ടുദ്ദേശിക്കുന്നത്. സംസ്ഥാനത്തിന്‍റെ അതിര്‍ത്തികള്‍ അടയ്ക്കാനും രാഷ്ട്രീയ, മത, സാമുദായിക പ്രസ്ഥാനങ്ങളുടെ ഒത്തുചേരലുകള്‍ എന്നിവ പകര്‍ച്ചവ്യാധി വ്യാപിക്കാന്‍ സാധ്യതയുള്ള സന്ദര്‍ഭങ്ങളില്‍ സര്‍ക്കരിനു തടയാം. സമൂഹത്തിന്‍റെ പൊതു താല്‍പ്പര്യത്തിന് വിരുദ്ധമായ രീതിയില്‍ പെരുമാരുന്നവരെ രണ്ടു വര്‍ഷത്തേക്ക് ശിക്ഷിക്കാനും പിഴയിടാനും   ഓര്‍ഡിനന്‍സിലൂടെ  സംസ്ഥാന സര്‍ക്കരിനു കഴിയും. 

 

Contact the author

Web Desk

Recent Posts

Web Desk 19 hours ago
Keralam

നടി ആക്രമിക്കപ്പെട്ട സംഭവം; ഇനി ഒരു പ്രശ്‌നം വന്നാല്‍ ആരും സഹായത്തിനായി എ എം എം എയെ സമീപിക്കില്ല- അര്‍ച്ചനാ കവി

More
More
Web Desk 19 hours ago
Keralam

നടിയെ ആക്രമിച്ച കേസ്; അതിജീവിത മുഖ്യമന്ത്രിയെ കാണും

More
More
Web Desk 19 hours ago
Keralam

വിദ്വേഷ പ്രസംഗ കേസ്; പി സി ജോര്‍ജ്ജ് കസ്റ്റഡിയില്‍

More
More
Web Desk 21 hours ago
Keralam

നടിയെ ആക്രമിച്ച കേസ്: അന്വേഷണത്തിന് കൂടുതല്‍ സമയം അനുവദിക്കാനാവില്ല - ഹൈക്കോടതി

More
More
Web Desk 22 hours ago
Keralam

തിരുവനന്തപുരത്തെ വിദ്വേഷ പ്രസംഗം; പി സി ജോര്‍ജ്ജിന്റെ ജാമ്യം റദ്ദാക്കി

More
More
Web Desk 1 day ago
Keralam

നടിയെ ആക്രമിച്ച കേസില്‍ അന്വേഷണം ഉടന്‍ അവസാനിപ്പിക്കില്ല; കോടതിയില്‍ നിന്ന് കൂടുതല്‍ സമയം തേടുമെന്ന് സര്‍ക്കാര്‍

More
More