ടാറ്റയുടെ പുതിയ ഇലക്ട്രിക്ക് കാറായ ടിഗോർ ഇവി, ഗ്ലോബല്‍ ന്യൂ കാർ അസസ്മെന്റ് പ്രോഗ്രാമിന്റെ ക്രാഷ് ടെസ്റ്റിൽ ഫോർ സ്റ്റാർ നേടി. ഇലക്ട്രോണിക് സ്റ്റെബിലിറ്റി കൺട്രോൾ (ഇഎസ്‌സി), സൈഡ് ഇംപാക്റ്റ് പ്രൊട്ടക്ഷൻ, ത്രീ-പോയിന്റ് സീറ്റ് ബെൽറ്റുകൾ, ഐസോഫിക്സ് കണക്റ്ററുകൾ തുടങ്ങിയ അധിക സുരക്ഷാ സവിശേഷതകളോടെ ഇലക്ട്രിക് വാഹനത്തിന്റെ സുരക്ഷാ റേറ്റിംഗ് കൂടുതൽ മെച്ചപ്പെടുത്താവുന്നതാണെന്ന് സുരക്ഷാ റേറ്റിംഗ് ഏജൻസി വ്യക്തമാക്കി. ഗ്ലോബൽ എൻ‌സി‌എ‌പിയിൽ ക്രാഷ് ടെസ്റ്റ് നടത്തിയ ഇന്ത്യയിലെ ആദ്യത്തെ ഇലക്ട്രിക് വാഹനമാണ് ടാറ്റാ ടിഗോർ ഇവി.
ടാറ്റാ മോട്ടോഴ്സ ഈ വർഷം വിപണിയിൽ ഇറക്കിയ ഇലക്ട്രിക്ക് കാറായ ടിഗോർ ഇവിയുടെ ബേസ് മോഡലിന് 12 ലക്ഷം രൂപയാണ് എക്സ് ഷോറും വില. അടുത്ത മാസം ആദ്യം കാറിന്റെ ബുക്കിംഗ് ആരംഭിക്കും. 21,000 രൂപ നൽകി കാർ ബുക്ക് ചെയ്യാവുന്നതാണ്. വാഹനം മൂന്ന് ട്രിമ്മുകളിലും രണ്ട് കളർ ഓപ്ഷനുകളിലും ലഭ്യമാണ്.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ഒറ്റ ചാർജിൽ ടാറ്റാ ടിഗോർ ഇവിക്ക് 306 കിലോമീറ്റർ ഓടുമെന്നാണ് ടാറ്റ അവകാശപ്പെടുന്നത്. IP67 റേറ്റുചെയ്ത 26 kWh ലിഥിയം അയൺ ബാറ്ററി പായ്ക്ക് ഫാസ്റ്റ് ചാർജർ അല്ലെങ്കിൽ 15A ഹോം സോക്കറ്റ് ഉപയോഗിച്ച് കാർ ചാർജ് ചെയ്യാം. വാഹനത്തിന്റെ ഇലക്ട്രിക് പവർട്രെയിൻ 73.75 എച്ച്പി കരുത്തും 170 എൻഎം ടോർക്കും നൽകുന്നു.
