സെക്സിനെക്കുറിച്ചും വിവാഹേതര ഗര്ഭധാരണത്തെക്കുറിച്ചും സംസാരിച്ചതിന് സംവിധായകന് അനുരാഗ് കശ്യപിനും മകള്ക്കുമെതിരെ സമൂഹ മാധ്യമങ്ങളില് വിദ്വേഷ പ്രചാരണം ശക്തം. സൂം ടിവിയുടെ ടോക്ക് ഷോ 'ബൈ ഇന്വൈറ്റ് ഓണ്ലി' എന്ന യൂട്യൂബ് ചാനല് പരിപാടിക്കിടെയാണ് തനിക്കും അച്ഛനും നേരേ നടന്ന വിദ്വേഷപ്രചാരണങ്ങളെക്കുറിച്ച് ആലിയ തുറന്നുപറഞ്ഞത്.
അച്ഛനുമൊത്തുളള വീഡിയോയില് സെക്സ്, മയക്കുമരുന്ന്, വിവാഹത്തിനു മുന്പുളള ഗര്ഭധാരണം, ഡേറ്റിംഗ് തുടങ്ങിയ വിഷയങ്ങളെക്കുറിച്ചാണ് ആലിയ ചോദിക്കുന്നത്. മയക്കുമരുന്ന് അംഗീകരിക്കുമെങ്കില് താന് ഗര്ഭിണിയാണെന്ന് പറഞ്ഞാല് അച്ഛന്റെ പ്രതികരണം എങ്ങനെയാവും എന്നും ആലിയ ചോദിക്കുന്നുണ്ട്.
#article-564#
ഇത്രയും പുരോഗമനപരമായി സംസാരിക്കുന്ന രക്ഷിതാവിനെ കാണാന് കഴിഞ്ഞതില് സന്തോഷമുണ്ടെന്നു പറഞ്ഞ് ധാരാളം സന്ദേശങ്ങള് വന്നിരുന്നു. എന്നാല്, സ്വന്തം അച്ഛനോട് ലൈംഗികതയെക്കുറിച്ചും ഗര്ഭധാരണത്തെക്കുറിച്ചും സംസാരിക്കാന് തോന്നിയതിന് ആലിയയ്ക്ക് സ്വയം ലജ്ജ തോന്നണം, എങ്ങനെയാണ് ഇത്തരത്തില് സംസാരിക്കാന് സാധിക്കുന്നത്? തുടങ്ങി നെഗറ്റീവ് കമന്റുകളും വീഡിയോയ്ക്ക് താഴെ വന്നിരുന്നുവെന്നും ആലിയ കൂട്ടിച്ചേര്ത്തു. സാമൂഹ്യമാധ്യമങ്ങളില് സ്ത്രീകള് നേരിടുന്ന സദാചാരവാദികളുടെ ഉപദ്രവത്തെക്കുറിച്ച് നിരന്തരം സംസാരിക്കുന്നയാളാണ് ആലിയ.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക