കണ്ണൂര്: മുഖ്യമന്ത്രി പിണറായി വിജയനെ പച്ചരി ദൈവമെന്ന് പരിഹസിച്ച കോണ്ഗ്രസ് നേതാവ് വി. ടി. ബല്റാമിന് മറുപടിയുമായി ഡിവൈഎഫ് ഐ കണ്ണൂര് ജില്ലാ സെക്രട്ടറി എം ഷാജര്. ആരോ കൊണ്ടുവച്ച ഒരു ബോര്ഡിന്റെ പേരില് കോണ്ഗ്രസിന്റെ പ്രമുഖ നേതാക്കള്വരെ മുഖ്യമന്ത്രിയെ പച്ചരി എന്ന് ചേര്ത്ത് വിളിക്കുന്നതായി കണ്ടു. കേരളം പട്ടിണി കിടക്കാതിരിക്കാന് അരിയും ഭക്ഷ്യപദാര്ത്ഥങ്ങളും നല്കിയതിലുളള പരിഹാസമാണത്. പ്രതിപക്ഷത്തെ പോരാളികളുടെയും സോഷ്യല് മീഡിയാ ബുദ്ധിജീവികളുടെയും നിലവാരമോര്ത്ത് സഹതാപം തോന്നുന്നു എന്ന് എം ഷാജര് പറഞ്ഞു.
അരിയുടെ വില വിശക്കുന്ന മനുഷ്യരോട് ചോദിച്ചു മനസിലാക്കിയാല് വി. ടി. ബലരാമന്മാര് ഇത്ര അധ:പതിക്കില്ലായിരുന്നു എന്നും ഷാജര് പറഞ്ഞു. ഫേസ്ബുക്ക് പോസ്റ്റിലൂടെയായിരുന്നു ഷാജറിന്റെ പ്രതികരണം.
പിണറായി വിജയന് കേരളത്തിന്റെ ദൈവം എന്നായിരുന്നു മലപ്പുറം പച്ചീരി മഹാവിഷ്ണു ക്ഷേത്രത്തിനു സമീപം വച്ച ഫ്ലക്സിലെ പ്രധാന വാചകം. 'ആരാണ് ദൈവമെന്ന് നിങ്ങള് ചോദിച്ചു. അന്നം തരുന്നവനാണ് ദൈവമെന്ന് ജനം പറഞ്ഞു. 'കേരളത്തിന്റെ ദൈവം' എന്നാണ് ഫ്ലക്സില് എഴുതിയിരുന്നത്.
'രണ്ട് പ്രതിഷ്ഠയാണവിടെ, ഒന്ന് അനുഗ്രഹം തരുന്ന വൈകുണ്ഠത്തിന്റെ ദൈവം പച്ചീരി വിഷ്ണു. രണ്ട് അന്നം തരുന്ന കേരളത്തിന്റെ ദൈവം പച്ചരി വിജയന്' എന്നായിരുന്നു വി. ടി. ബല്റാം ഫേസ്ബുക്കില് കുറിച്ചത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക