ഡല്ഹി: പെഗാസസ് ഫോണ് ചോര്ത്തല് വിവാദത്തില് നരേന്ദ്രമോദി സര്ക്കാരിനെ വിമര്ശിച്ച് സിപിഎം ജനറല് സെക്രട്ടറി സീതാറാം യെച്ചൂരി. പെഗാസസ് ഉപയോഗിക്കുന്നത് എന്തിനാണെന്ന് ഇപ്പോള് വ്യക്തമായി. മോദി സര്ക്കാര് പൗരാവകാശത്തെ വെല്ലുവിളിക്കുകയാണ്. സര്ക്കാരിന്റെ ഈ നടപടി രാജ്യത്തിനുതന്നെ അപമാനകരമാണ് എന്ന് സീതാറാം യെച്ചൂരി പറഞ്ഞു. പാര്ലമെന്റില് പെഗാസസ് വിഷയത്തില് മറുപടി പറയാന് മോദി സര്ക്കാര് ബാധ്യസ്ഥരാണെന്നും അദ്ദേഹം കൂട്ടിച്ചേര്ത്തു.ഡല്ഹിയില് മാധ്യമപ്രവര്ത്തകരോട് സംസാരിക്കുകയായിരുന്നു അദ്ദേഹം.
ഫോണ് ചോര്ത്തല് നടക്കുന്നുണ്ടെന്ന് 2019-ല് ഇടതുപക്ഷം പാര്ലമെന്റില് ആരോപണമുന്നയിച്ചിരുന്നു. അന്ന് പെഗാസസിനെ പരസ്യമായി തളളിപ്പറയാന് കേന്ദ്രസര്ക്കാര് തയാറായില്ല. സര്ക്കാര് സംവിധാനങ്ങള്ക്കുമാത്രമേ എന് എസ് ഒ കമ്പനിയുടെ ചാര സോഫ്റ്വേറകള് ഉപയോഗിക്കാന് സാധിക്കുകയുളളു. അന്താരാഷ്ട്ര തലത്തില് ഗൂഢാലോചന നടന്നതായാണ് കേന്ദ്രസര്ക്കാര് ആരോപിക്കുന്നത്. എങ്കില് എന്ത് ഗൂഢാലോചനയാണ് നടന്നതെന്നുകൂടി കേന്ദ്രം വെളിപ്പെടുത്തണമെന്നും സീതാറാം യെച്ചൂരി പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക