ഡല്‍ഹി: രാജ്യത്ത് കഴിഞ്ഞ ഇരുപത്തിനാല് മണിക്കൂറിനിടെ റിപ്പോര്‍ട്ട് ചെയ്തത് 41,157 പുതി കൊവിഡ് കേസുകള്‍. 518 പേരാണ് കൊവിഡ് മൂലം മരണപ്പെട്ടത്. പ്രതിദിന കൊവിഡ് പോസിറ്റിവിറ്റി നിരക്ക് 2.3 ശതമാനമാണ്. കഴിഞ്ഞ ഇരുപത്തിയേഴ് ദിവസമായി പോസിറ്റിവിറ്റി നിരക്ക് 3 ശതമാനത്തില്‍ താഴെയാണ്. രാജ്യത്തെ സജീവ കേസുകളുടെ എണ്ണം 4,22,660 ആയി. രാജ്യത്ത് ഇതുവരെ വാക്‌സിന്‍ സ്വീകരിച്ചത് 40.49 കോടി ജനങ്ങളാണ്.
മഹാരാഷ്ട്ര, കേരള, തമിഴ്‌നാട് സംസ്ഥാനങ്ങളിലാണ് നിലവില്‍ ഏറ്റവും കൂടുതല്‍ രോഗബാധ റിപ്പോര്‍ട്ട് ചെയ്യുന്നത്. കൊവിഡിന്റെ മൂന്നാം തരംഗം ഓഗസ്‌റ്റോടെ രാജ്യത്തെത്തുമെന്നാണ് ആരോഗ്യവകുപ്പ് മുന്നറിയിപ്പ് നല്‍കുന്നത്. എന്നാല്‍ രണ്ടാം തരംഗത്തിനേക്കാള്‍ തീവ്രത കുറവാകാനാണ് സാധ്യതയെന്ന് ഇന്ത്യന്‍ കൗണ്‍സില്‍ ഓഫ് മെഡിക്കല്‍ റിസര്‍ച്ച് പകര്‍ച്ചവ്യാദി വിഭാഗം മേധാവി സമിറന്‍ പാണ്ഡ പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
അതേസമയം കേരളത്തില്‍ കഴിഞ്ഞ ഇരുപത്തിനാല് മണിക്കൂറിനിടെ റിപ്പോര്‍ട്ട് ചെയ്തത് 16,148 പുതിയ കേസുകളാണ്. 114 മരണമാണ് ഇന്ന് സ്ഥിരീകരിച്ചത്. കേരളത്തില്‍ ഇതുവരെ കൊവിഡ് ബാധിച്ച് മരിച്ചവരുടെ എണ്ണം 15,269 ആയി.
